গুৱাহাটী, ৭ অক্টোবৰ: মুখ্যমন্ত্ৰী হিমন্ত বিশ্ব শৰ্মাৰ সভাপতিত্বত শুকুৰৰবাৰে জনতা ভৱনত ৰাজ্য চৰকাৰৰ সাপ্তাহিক কেবিনেট বৈঠক অনুষ্ঠিত হয় (Assam cabinet meeting)। কেবিনেট বৈঠকত কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হয় । বৈঠকৰ অন্তত সংবাদমেলযোগে কেবিনেটৰ সিদ্ধান্তসমূহ অৱগত কৰে মন্ত্ৰী ডাঃ ৰণোজ পেগু (Minister Ranoj Pegu) আৰু জয়ন্ত মল্ল বৰুৱাই (Minister Jayanta Malla Baruah)।
কেবিনেটত শিক্ষা সন্দৰ্ভত কেইবাটাও সিদ্ধান্ত গ্ৰহণ কৰা হয় । শিক্ষাৰ গুণগত মান উন্নত কৰাৰ উদ্দেশ্যে গ্ৰহণ কৰা হৈছে বিশেষ সিদ্ধান্ত । পুনৰ প্ৰৱৰ্তন কৰা হ'ব উত্তীৰ্ণ আৰু অনুত্তীৰ্ণ ব্যৱস্থা (students will not automatically promoted to next class)। সেই অনুসৰি বিশেষ বছৰেকীয়া পৰীক্ষাত উত্তীৰ্ণ নোহোৱা শিক্ষাৰ্থীক ফেইল কৰাই দিয়া হ'ব । এতিয়াৰে পৰা পঞ্চম আৰু অষ্টম শ্ৰেণীত বছৰেকীয়া পৰীক্ষা অনুষ্ঠিত হ'ব ।
আনহাতে, ১২ খন জিলাত থকা বিদ্যালয় অভাৰলেপিঙৰ সমস্যা দূৰ কৰা হৈছে (School overlapping in Assam) । মুঠ ১৬ টা ব্লকত অভাৰলেপিং হৈ থকা ১১৪২ খন বিদ্যালয়ক পুনৰ গঠিত ব্লকসমূহত দিয়া হৈছে, যাতে প্ৰশাসনীয় আৰু বিত্তীয় ক্ষমতা সংশ্লিষ্ট জিলাতে থাকে । তাৰ বাবে এই ব্যৱস্থা গ্ৰহণ কৰা হৈছে ।
আজিৰ কেবিনেটত প্ৰতিমা পাণ্ডে বৰুৱাৰ বাসগৃহটো সংৰক্ষণ কৰাৰ বাবে ৰাজ্য চৰকাৰে ব্যৱস্থা গ্ৰহণৰ সিদ্ধান্ত লয় (Preservation of Pratima Barua Pandey house)। অসম চৰকাৰে প্ৰতিমা পাণ্ডে বৰুৱাৰ ১২ বিঘা ৩ কঠা ১৮ লেচা মাটিৰে সৈতে থকা 'হাৱাখান' ঘৰটো পৰিয়ালৰ পৰা ১৫ কোটি টকাৰে ক্ৰয় কৰিব । য'ত এটা লাইভ মিউজিয়াম গঢ়ি তোলা হ'ব আৰু পৰ্যটন ক্ষেত্ৰ হ'ব । বাসগৃহটো অসম চৰকাৰে সংৰক্ষণ কৰিব ।
সেইদৰে কাৰ্বি লাম্পীৰ ২৪ মেগাৱাট জলবিদ্যুৎ প্ৰকল্পটোৰ বাবে আজিৰ কেবিনেটে ৩০০ কোটি টকা অনুমোদন জনায় (Karbi Langpi Hydro Electric Project)। তিনি বছৰৰ ভিতৰত প্ৰকল্পটোৰ কাম সম্পূৰ্ণ হ'ব । আনহাতে আজিৰ কেবিনেটে বৃটিছৰ শাসনকালত থকা কেতবোৰ নিয়মৰ অৱসান ঘটায় । পাৰ্টনাৰশ্বিপ এক্টৰ ক্ষেত্ৰত বৃটিছৰ দিনৰ পৰা ব্যৱহাৰ কৰিব নোৱাৰা কেতবোৰ শব্দৰ ব্যৱহাৰৰ ক্ষেত্ৰত কেবিনেটে অনুমোদন জনায় ।
কেবিনেটে শক্তি বিভাগৰ পেঞ্চনাৰসকলক(ASEB Pensioner) পেঞ্চন দিয়াৰ বাবে ২৮৪ কোটি টকা মোকলাই দিয়ে । তদুপৰি বিদ্যুৎ ক্ৰয়ৰ বাবে ৰাজসাহায্য হিচাবে ৰাজ্য চৰকাৰে ১৯০ কোটি মোকলাই দিয়ে ।
লগতে পঢ়ক: Tejashwita Barua death issue : স্বাস্থ্যমন্ত্ৰীৰ পদত্যাগ বিচাৰিলে আপে
