গুৱাহাটী, ২৭ নৱেম্বৰ: শুক্ৰবাৰে গুৱাহাটী প্ৰেছ ক্লাবত উন্মোচন কৰা হ'ল প্ৰায় ডেৰকুৰি কবিতাৰ সংকলন 'প্ৰিয় বৰ্ণ'। যুৱ কবি ৰঞ্জিত পাটগিৰীৰ দ্বাৰা ৰচিত 'প্ৰিয় বৰ্ণ' নামৰ গ্ৰন্থখন অসম সাহিত্য সভাৰ প্ৰাক্তন সভাপতি ড০ পৰমানন্দ ৰাাজবংশীয়ে উন্মোচন কৰে । শুক্ৰবাৰে অনুষ্ঠিত হোৱা এই গ্ৰন্থ উন্মোচনী সভাখনত মুখ্য অতিথি হিচাপে অংশগ্ৰহণ কৰে অসম প্ৰকাশন পৰিষদৰ সচিব প্ৰমোদ কলিতাই ৷
অনুষ্ঠানটোত মুখ্য অতিথি হিচাপে উপস্থিত থাকে অসমীয়া প্ৰতিদিনৰ মুখ্য সহযোগী সম্পাদক অচ্যুত পাটোৱাৰী, আমাৰ অসম কাকতৰ ডেপ্যুটি এডিটৰ গৌতম শৰ্মা আৰু গুৱাহাটী প্ৰেছ ক্লাবৰ সভাপতি মনোজ কুমাৰ নাথ ৷ বিশিষ্ট বুদ্ধিজীৱী ড০ হীৰেণ গোহাঁয়ে পাতনি লিখা গ্ৰন্থখনি প্ৰকাশ কৰিছে এম আৰ পাব্লিকেশ্যনে ৷
লগতে পঢ়ক:বিলাসীপাৰাত চৰকাৰী চাউলৰ ক'লা বেহা
