গুৱাহাটী,10এপ্ৰিলঃ বুধবাৰে আমৰি কাৰ্বি ছয় জাতীয় সংগঠনে লতাশিল খেলপথাৰৰ পৰা ৰাজভৱনলৈ এক প্ৰতিবাদী কাৰ্যসূচী আয়োজন কৰে ৷ সোণাপুৰত অসম ৰাইফলছৰ ঘাটি স্থাপন বন্ধ কৰা আৰু গুৱাহাটী মহানগৰৰ পৰা ডিমৰিয়ালৈকে 10 কিলোমিটাৰ মহানগৰ সম্প্ৰসাৰণ প্ৰক্ৰিয়া বাতিল কৰাৰ দাবীৰে এই প্ৰতিবাদী কাৰ্যসূচীৰ আয়োজন কৰা হয় ৷ তাৰোপৰি মহানগৰ প্ৰশাসনক পাহাৰ খননকাৰ্য অতি শীঘ্ৰে বন্ধ কৰিবলৈ দাবী জনোৱাৰ লগতে ডিমৰিয়া, বেলতলা আৰু ৰাণীৰ জনজাতি আবেষ্টনীয় অঞ্চলসমূহক সাংবিধানিক সুৰক্ষা প্ৰদানৰ বাবে দাবী জনাই ৰাজ্যপালক স্মাৰক প্ৰদান কৰে প্ৰতিবাদকাৰীসকলে ।
বিজেপি চৰকাৰে এই দাবীসমূহক লৈ কোনো পদক্ষেপ গ্ৰহণ নকৰিলে ভোট প্ৰদানৰ পৰা বিৰত থাকিব বুলি জনাই সংগঠনৰ উপদেষ্টা ইন্দ্ৰেশ্বৰ টেৰণৰ লগতে প্ৰতিবাদকাৰীসকলে।
