গুৱাহাটী,১০ মে': উচ্চতৰ মাধ্যমিকৰ প্ৰথম বৰ্ষ অৰ্থাৎ একাদশ শ্ৰেণীৰ সকলো ছাত্ৰ-ছাত্ৰীকে উত্তীৰ্ণ ঘোষণা কৰিছে অসম উচ্চতৰ মাধ্যমিক শিক্ষা সংসদে । এক নিৰ্দেশযোগে শিক্ষা সংসদে এই সিদ্ধান্তৰ কথা ঘোষণা কৰে । উল্লেখ্য যে, বিগত ৪ মে'ৰ পৰা উচ্চতৰ মাধ্যমিকৰ প্ৰথম বাৰ্ষিকৰ পৰীক্ষা অনুষ্ঠিত হোৱাৰ কথা আছিল যদিও ক'ভিড সৃষ্ট পৰিস্থিতিৰ বাবে সেই পৰীক্ষা পিছুওৱা বুলি শিক্ষা সংসদে ঘোষণা কৰিছিল ৷
কিন্তু শেহতীয়াকৈ প্ৰকাশ কৰা এক জাননীযোগে শিক্ষা সংসদে ঘোষণা কৰিছে যে উচ্চতৰ মাধ্যমিকৰ প্ৰথম বাৰ্ষিকৰ পৰীক্ষা এইবাৰ আৰু অনুষ্ঠিত নহ’ব । প্ৰথম বাৰ্ষিকৰ সকলো ছাত্ৰ-ছাত্ৰীকে পৰীক্ষা অবিহনেই দ্বিতীয় বৰ্ষলৈ উত্তীৰ্ণ হোৱা বুলি ঘোষণা কৰা হৈছে ।
লগতে পঢ়ক : বিদেশৰ পৰা লাভ কৰা সাহায্য সন্দৰ্ভত প্ৰতিক্ৰিয়া ৰাহুল গান্ধীৰ
