গুৱাহাটী, 2 চেপ্তেম্বৰঃ আগন্তু 1 নবেম্বৰৰ পৰা 12 নবেম্বৰলৈ চান্দমাৰী অভিযান্ত্ৰিক মহাবিদ্যালয়ৰ খেল পথাৰত অনুষ্ঠিত হ'ব 21 সংখ্যক উত্তৰ পূৱ গ্ৰন্থমেলা । সোমবাৰে গুৱাহাটী প্ৰেছ ক্লাবত এক সংবাদমেলত জৰিয়তে অৱগত কৰে সদৌ অসম পুথি প্ৰকাশক আৰু বিক্ৰেতা সন্থাৰ সাধাৰণ সম্পাদক ধিৰাজ গোস্বামীয়ে । অসম পুথি প্ৰকাশক আৰু বিক্ৰেতা সন্থাৰ উদ্যোগত অনুষ্ঠিত হোৱা এই গ্ৰন্থ মেলা খন উৎসৰ্গিত হ'ব বিশিষ্ট শিক্ষাবিদ টাবুৰাম টাইডৰ স্মৃতিত ৷ ইয়াৰ উপৰিও গ্ৰন্থমেলা খনৰ মূল মঞ্চ খন উৎসৰ্গিত হ'ব জি এল আগৰৱালা আৰু শিল্পী বেনু মিশ্ৰৰ সোঁৱৰণীত । প্ৰতিবছৰৰ দৰে এইবাৰো গ্ৰন্থমেলাত অনুষ্ঠিত হ'ব বিভিন্ন সাংস্কৃতিক অনুষ্ঠানৰ লগতে আলোচনা চক্ৰ, সাহিত্য অনুষ্ঠান আদি । আনহাতে,১০ হাজাৰ টকাৰ ওপৰত অসমীয়া গ্ৰন্থ ক্ৰয় কৰা ব্যক্তি সকলক আয়োজকে বিশেষভাৱে সম্বৰ্ধনা জনোৱাৰ কথাও প্ৰকাশ কৰে ।
লগতে গ্ৰন্থ মেলাত অংশগ্ৰহণ কৰিব বিচৰা বিপনী সমূহৰ অংশগ্ৰহণৰ অন্তিম তাৰিখ 15 অক্টোবৰ । 23 অক্টোবৰত বিপনী সমূহৰ স্থানৰ বিষয়ে লটাৰী যোগে জনোৱা হ'ব । এইবাৰ গ্ৰন্থমেলা খনৰ বাবে আয়োজকে পুঁজি নিৰ্ধাৰণ কৰিছে 50 লক্ষ টকা ।
