গুৱাহাটী, ৬ ডিচেম্বৰ: কেন্দ্ৰীয় সশস্ত্ৰ বাহিনীৰ বিশেষ ক্ষমতা আইন চমুকৈ AFSPA বাতিল আৰু নাগালেণ্ডৰ নিৰীহ লোকক সেনা বাহিনীয়ে গুলীয়াই হত্যা কৰা ঘটনাৰ NIA তদন্তৰ দাবী উত্থাপন কৰিছে ৰাইজৰ দলৰ সভাপতি অখিল গগৈয়ে ৷ উল্লেখ্য যে, নাগালেণ্ডৰ মন জিলাৰ অ'টিং বস্তিত ভাৰতৰ সামৰিক বাহিনীয়ে ১৩ গৰাকীকৈ কয়লা খাদত কাম কৰা শ্ৰমিকক নিৰ্বিচাৰে গুলিচালনা কৰি হত্যা কৰা(Nagaland Civilians Deaths) ঘটনাক তীব্ৰ গৰিহণা দিছে ৰাইজৰ দলে ৷
দলটোৰ সভাপতি অখিল গগৈয়ে কয়, কেন্দ্ৰীয় সশস্ত্ৰ বাহিনীয়ে নাগালেণ্ডৰ নিৰীহ লোকৰ ওপৰত যি হত্যালীলা(Army ambush in Nagaland) সংঘটিত কৰিলে সেই হত্যাকাণ্ড সন্ত্ৰাসবাদীৰ কাৰ্য-কলাপৰ সৈতে কোনো পাৰ্থক্য নাই ৷ সেনাৰ এই হত্যাকাণ্ডক সন্ত্ৰাসবাদীৰ এক কাৰ্য-কলাপ হিচাপে অভিহিত কৰিব লাগে বুলি দাবী জনাই ৰাইজৰ দলৰ সভাপতি অখিল গগৈয়ে ৷
তদুপৰি নাগালেণ্ডৰ মন জিলাৰ অ'টিং বস্তিত সেনা বাহিনীৰ দ্বাৰা নিৰীহ লোকক কৰা হত্যাৰ ঘটনাৰ NIA তদন্ত দাবী কৰে অখিল গগৈয়ে(Akhil Gogoi demands NIA probe into Nagaland Civilians Deaths Case) ৷ তেওঁ কয়, এই ঘটনাৰ জড়িত প্ৰত্যেক গৰাকীৰ সেনাৰ জোৱানৰ বিৰুদ্ধে কঠোৰ দৃষ্টান্তমূলক শাস্তিৰ ব্যৱস্থা হ'ব লাগে ৷ কিয়নো পূৰ্বেও উত্তৰ-পূৰ্বাঞ্চলত এনে বহু হত্যাকাণ্ড সংঘটিত কৰিছে কেন্দ্ৰীয় নিৰাপত্তা বাহিনীয়ে ৷ কিন্তু ইয়াৰ আইনগত বিচাৰ নহয় ৷
ইফালে, AFSPA ৰ বাতিল(Cancellation of AFSPA)ৰ দাবী উত্থাপন কৰি ৰাইজৰ দলৰ সভাপতি গগৈয়ে কয়, ভাৰতীয় সেনাক AFSPA ৰ জৰিয়তে যি বিশেষ ক্ষমতা প্ৰয়োগ কৰিছে তাৰ ভয়ংকৰ পৰিণতি ভোগ কৰিবলগীয়া হৈছে উত্তৰ-পূৰ্বাঞ্চলৰ ৰাইজে ৷ AFSPA ৰ জৰিয়তে বিশেষ ক্ষমতাৰে বলিয়ান হৈ সন্ত্ৰাসবাদ দমনৰ নামত উত্তৰ-পূৱৰ নীৰিহ লোকৰ ওপৰত আক্ৰমণ সংঘটিত কৰি আহিছে কেন্দ্ৰীয় নিৰপত্তা বাহিনীয়ে ৷ গতিকে অতি সোনকালে 'AFSPA' বাতিল কৰি কেন্দ্ৰীয় নিৰাপত্তা বাহিনীৰ দ্বাৰা উত্তৰ-পূৱৰ সুৰক্ষা সুনিশ্চিত কৰিবলৈ দাবী জনাই ৰাইজৰ দলৰ সভাপতি গৰাকীয়ে ৷
লগতে পঢ়ক:স্থায়ী শান্তিৰ বিপৰীতে খিলঞ্জীয়া লোকক হত্যাৰ ব্যৱস্থা কৰিছে কেন্দ্ৰই : সমুজ্জ্বল ভট্টাচাৰ্য
