গুৱাহাটী, 8 চেপ্তেম্বৰঃ শীঘ্ৰে আৰম্ভ হ'ব অগপৰ 1 মহীয়া সদস্য ভৰ্তি অভিযান ৷ 14 ছেপ্টেম্বৰ পৰা 14 অক্টোবৰ লৈ চলিব এই অভিযান ৷ দেওবাৰে আমবাৰী মুখ্য কাৰ্যালয়ত অনুষ্ঠিত কেন্দ্ৰীয় সাধাৰণ পৰিষদৰ বৈঠকত এই কথা সদৰী কৰে দলটোৱে । বৈঠকত সাম্প্ৰতিক পৰিস্থিতি,পৌৰ নিগম,পৌৰ সভা সমূহৰ নিৰ্বাচন আৰু দলৰ সাংগঠনিক দিশ সন্দৰ্ভত আলোচনা কৰা বুলি মন্তব্য কৰে অগপৰ সভাপতি অতুল বৰাই ৷ লগতে বৈঠকত বিশেষভাবে সাংগঠনিক দিশটো শক্তিশালী কৰাৰ বাবে আলোচনা কৰে বুলিও মন্তব্য আগবঢ়াই ৷ গৃহমন্ত্ৰী হোৱাৰ পাচত অমিত শ্বাহ প্ৰথমবাৰ অসমলৈ অহা সন্দৰ্ভত কলে অতুল বৰাই ৷ অমিত শ্বাহক লগ কৰি NRC প্ৰসংগ উত্থাপন কৰিব বুলি কয় অগপ সভাপতি গৰাকীয়ে ৷
আনহাতে, বিধায়ক ৰমেন কলিতাই কয় যে, NRC ক লৈ আমি সন্তুষ্ট নহয় ৷ সেই বাবে দলৰ পৰা উচ্চতম ন্যায়ালয়লৈ পুনৰীক্ষণৰ আবেদন জনাইছো । ইয়াৰ উপৰিও অগপ দলত বহু ডাঙৰ নেতাই যোগদান কৰাৰ কথা চলি আছে বুলিও তাৎপৰ্যপূৰ্ণ মন্তব্য কৰে বিধায়ক কলিতাই ।
উল্লেখ্য যে, 14 অক্টোবৰত অগপ দলে সম্পূৰ্ণ কৰিব 35 বছৰ ৷ সেই উপলক্ষে অভয়াপুৰীত অনুষ্ঠিত হোৱাৰ কথা সদৰী কৰে অগপৰ সভাপতি অতুল বৰাই ৷
