গুৱাহাটী, ১৭ ফেব্ৰুৱাৰী : অসমত তৃণমূল কংগ্ৰেছৰ স্থিতি শক্তিশালী কৰাত গুৰুত্ব প্ৰদান কৰি আহিছে সৰ্বভাৰতীয় তৃণমূল কংগ্ৰেছ তথা অসম প্ৰদেশ তৃণমূল কংগ্ৰেছে (Assam State Trinmool Congress) । ইতিমধ্যে প্ৰদেশ কংগ্ৰেছ ত্যাগ কৰি তৃণমূল কংগ্ৰেছৰ ৰাজ্যিক ৰাজ্যিক সভাপতিৰ দায়িত্ব গ্ৰহণ কৰা ৰিপুণ বৰাৰ নেতৃত্বত ৰাজ্যত তৃণমূল কংগ্ৰেছৰ শক্তি বৃদ্ধিৰ বাবে বিভিন্ন প্ৰচেষ্টা চলাই থকা পৰিলক্ষিত হৈছে (TMC Assam president Ripun Bora) । তাৰেই ফলশ্ৰুতিত এইবাৰ অভিনয় জগত এৰি ৰাজনীতিৰ পথাৰত খোজ পেলালে অসমৰ অভিনয় জগতৰ এগৰাকী বলিষ্ঠ অভিনেত্ৰী জুপিতৰা ভূঞাই (actrees Jupitara Bhuyan joined TMC) । জনপ্ৰিয় অভিনেত্ৰী জুপিতৰা ভূঞাই সোমবাৰে অসম তৃণমূল কংগ্ৰেছত আনুষ্ঠানিকভাৱে যোগদান কৰে ।
অসম প্ৰদেশ তৃণমূল কংগ্ৰেছৰ সভাপতি ৰিপুণ বৰাৰ উপস্থিতিত জনপ্ৰিয় অভিনেত্ৰী জুপিতৰা ভূঞাই তৃণমূল কংগ্ৰেছত যোগদান কৰে । প্ৰদেশ তৃণমূল কংগ্ৰেছৰ গুৱাহাটীত থকা মুখ্য কাৰ্যালয়ত এই উপলক্ষে আয়োজিত এক অনুষ্ঠানত অভিনেত্ৰীগৰাকীক দললৈ আদৰণি জনায় সভাপতি ৰিপুণ বৰাই । ইফালে তৃণমূল কংগ্ৰেছত যোগদানৰ পিছত জুপিতৰা ভূঞাই কয় যে, ৰাজনীতিৰ পথাৰত তেওঁৰ কাম কৰাৰ ইচ্ছা আছে । ৰাজনীতিৰ মাজেৰে ৰাইজৰ সেৱা কৰাৰ ইচ্ছা থকাৰ বাবেই তেওঁ প্ৰত্যক্ষ ৰাজীনিত খোজ পেলাইছে (Jupitara Bhuyan joined Trinmool Congress) । আগন্তুক সময়ত এই ক্ষেত্ৰত সকলোৰে সহযোগিতা কামনা কৰি দলীয় মঞ্চৰ পৰা ৰাইজৰ হকে কাম কৰি যোৱাৰ প্ৰতিশ্ৰুতি দিয়ে জুপিতৰা ভূঞাই ।
আনহাতে, সভাপতি ৰিপুণ বৰাই অভিনেত্ৰী জুপিতৰা ভূঞাৰ যোগদানে দলটোক আগন্তুক সময়ত বিশেষভাৱে সহায় কৰিব বুলি আশা প্ৰকাশ কৰে । তেওঁ কয় যে অসম তৃণমূল কংগ্ৰেছৰ প্ৰতি এতিয়া বহু লোক আকৰ্ষিত হৈ দলটোত যোগদান কৰাৰ বাবে ইচ্ছা প্ৰকাশ কৰি আছে । দলটোক শক্তিশালী কৰাৰ বাবে বিভিন্ন কাৰ্যসূচী সময়ে সময়ে গ্ৰহণ কৰি থকা হৈছে । আগন্তুক পঞ্চায়ত আৰু লোকসভা নিৰ্বাচনত অসম তৃণমূল কংগ্ৰেছে শক্তিশালীভাৱে অৱতীৰ্ণ হ'ব বুলিও তেওঁ উল্লেখ কৰে । উল্লেখযোগ্য যে কেইবাখনো চলচ্চিত্ৰ, ভিডিঅ’ ছবিৰ লগতে মঞ্চনাটতো অভিনয় কৰি অসমবাসীৰ বাবে এটি চিনাকি নাম হৈ পৰিছে জুপিতৰা ভূঞা ।
ভ্ৰাম্যমাণ থিয়েটাৰতো কাম কৰিছে এইগৰাকী সফল অভিনেত্ৰীয়ে । তেওঁ অসমৰ ভ্ৰাম্যমাণ থিয়েটাৰ দল কহিনুৰ থিয়েটাৰতো মুখ্য অভিনেত্ৰীৰ ভূমিকাত অৱতীৰ্ণ হৈছিল । অভিনয়ৰ লগতে জুপিতৰাই বিভিন্ন অনুষ্ঠানত ঘোষিকাৰ ভূমিকাও পালন কৰিছে । কিন্তু সাংস্কৃতিক পথাৰৰ পৰা এইবাৰ ৰাজনীতিৰ পথাৰত খোজ দিলে অভিনেত্ৰীগৰাকীয়ে । উল্লেখ্য, শুকুৰবাৰৰ যোগদান সভাত দলৰ সাধাৰণ সম্পাদক (প্ৰশাসন) গজেন্দ্ৰ প্ৰসাদ উপমান্য়ু, মিডিয়া বিভাগৰ অধ্যক্ষ দিলীপ কুমাৰ শৰ্মা, কোষাধ্যক্ষ ঘনকান্ত চুতীয়া, সাংগঠনিক সম্পাদক অৰূপজ্যোতি ভূঞাকে ধৰি ভালেসংখ্যক দলীয় বিষয়ববীয়া উপস্থিত থাকে ।
লগতে পঢ়ক :Mini stadium in Kokrajhar : কোকৰাঝাৰত মিনি ষ্টেডিয়ামৰ আধাৰশিলা স্থাপন কৰিলে প্ৰমোদ বড়োৱে
