গুৱাহাটী,3 এপ্ৰিলঃ ৰাজ্যত তৃতীয় পৰ্যায়ৰ নির্বাচনৰ প্ৰাকক্ষণত গুৱাহাটীত আছুৰ বিশাল প্ৰতিবাদ । মূল্যবৃদ্ধি ৰোধ কৰাৰ দাবীৰে সদৌ গুৱাহাটী ছাত্ৰ সন্থাৰ নেতৃত্ব মহানগৰীত সাব্যস্ত কৰে এক বিশাল পদযাত্ৰা । হাতে হাতে খালী কাঁহী-বাতি, কান্ধত চিলিণ্ডাৰ, ডিঙিত আলু-পিঁয়াজৰ মালা পিন্ধি মূল্যবৃদ্ধি ৰোধ কৰাৰ দাবীত উত্তাল প্ৰতিবাদ সাব্যস্ত কৰে আছু কর্মীসকলে । আছুৰ এই পদযাত্ৰাত তিনি শতাধিক কর্মী তথা ছাত্ৰ-ছাত্ৰীয়ে অংশগ্ৰহণ কৰে ।
শনিবাৰৰ এই কাৰ্যসূচীত প্ৰতিবাদকাৰীসকলে মূল্যবৃদ্ধি ৰোধ কৰক, সৰ্বানন্দ সোণোৱাল হায় হায়, বিজেপি চৰকাৰ মুর্দাবাদ, ক’লা বেপাৰী হুচিয়াৰ আদি বিভিন্ন শ্ল’গানৰে পৰিৱেশ উত্তাল কৰি তোলে । লতাশিলৰ শ্বহীদ ন্যাসৰ পৰা জজ ফিল্ড হৈ দীঘলীপুখুৰীৰ পাৰেৰে লতাশিল আৰক্ষী থানাৰ সম্মুখেৰে শ্বহীদ ন্যাসলৈ উভতি আহে আছু কর্মীসকল । প্ৰতিবাদী কাৰ্যসূচীত অংশগ্ৰহণ কৰে সদৌ গুৱাহাটীৰ আছু সভাপতি আনোৱাৰ হুছেইন, ৰজমিল আলী প্ৰমুখ্যে আছুৰ শীৰ্ষ নেতৃত্বসকলে ।
লগতে পঢ়কঃ ক’ভিড প্ৰট’কল মানি ৰঙিয়াত ভোট গ্ৰহণ
