দুপৰীয়া 1 বজাৰ শীৰ্ষ 10 বাতৰি

দুপৰীয়া 1 বজাৰ শীৰ্ষ 10 বাতৰি

শুকুৰবাৰে নগাঁৱত সংঘটিত আৰক্ষী আক্ৰমণৰ ঘটনাৰ তদন্ত আৰম্ভ কৰিছে আৰক্ষীয়ে ৷ ইতিমধ্যে ঘটনাৰ সৈতে জড়িত থকাৰ অভিযোগত নগাঁও আৰক্ষীয়ে আটক কৰিছে দুজনকৈ যুৱকক ৷

তেজপুৰ আৰক্ষীয়ে বিশেষ সূত্ৰৰ পৰা লাভ কৰা তথ্যৰ ভিত্তিত চলোৱা অভিযানত মিছন চাৰিআলিৰ পৰা আটক কৰে এজন এন এছ চি এন (আই এম) ৰ এজন দুৰ্ধষ কেডাৰৰ লগতে অৰুণাচলৰ এন পিপি লংডিঙৰ এজন উপ সভাপতি ৷

বৰাকত উপস্থিত হৈয়ে কেবাখনো সভা সম্বোধন কৰে বদৰুদ্দিন আজমলে ৷ শুকুৰবাৰে শিলচৰত উপস্থিত হোৱা আজমলে বৰাকৰ তিনিওখন জিলাত পৃথক-পৃথকভাৱে কৰ্মীসভাত অংশগ্ৰহণ কৰিব ।

বাংলাদেশৰ পৰা অবৈধভাৱে ত্ৰিপুৰাত প্ৰৱেশ কৰি অসম হৈ দিল্লী যোৱাৰ উদ্দেশ্য বাহৰ পাতিছিল যুৱক কেইজনে ৷ যুৱক কেইজনৰ সৈতে নাছিল কোনো বৈধ প্ৰমাণ পত্ৰ ৷

অসমৰ ভূমি মিজোৰামে দখলৰ প্ৰতিবাদত ছাত্ৰ সংগঠন আকসাই শনিবাৰে দিয়া বৰাক উপত্যকা বন্ধৰ সৰ্বাত্মক প্ৰভাৱ পৰা দেখা গ'ল ৷ ছাত্ৰ সংগঠনটোৱে দিয়া 12 ঘন্টীয়া বৰাকৰ বন্ধৰ সময়ছোৱাত বৰাকৰ তিনিওখন জিলাতে সহাঁৰি দিয়ে জনসাধাৰণে ৷

অসম-মিজোৰাম সীমান্তৰ পৰিস্থিতি নিয়ন্ত্ৰণ কৰিবলৈ অৱশেষত কেন্দ্ৰীয় বাহিনী মোতায়েন কৰিলে কেন্দ্ৰীয় চৰকাৰে ৷ সীমা বিবাদৰ পিচতেই বিগত 10 দিন ধৰি উত্তপ্ত হৈ থকা অসম-মিজোৰাম সীমান্তত শান্তি-শৃংখলা পুনৰুদ্ধাৰৰ বাবে অৱশেষত কেন্দ্ৰীয় অৰ্ধসামৰিক বাহিনীৰ জোৱান মোতায়েন কৰিছে চৰকাৰে ৷

শিলচৰ বিমান বন্দৰত পাকিস্তান জিন্দাবাদ ধ্বনি দিয়া কাৰ্যৰ প্ৰতিক্ৰিয়া বাঙালী যুৱ-ছাত্ৰ ফেডাৰেচনৰ । আজমলৰ উপস্থিতিতে একাংশ লোকে দিছিল পাকিস্তান জিন্দাবাদ ধ্বনি ৷

অসম-মিজোৰাম সীমান্ত সমস্যাৰ মাজতে অসমীয়া নাগৰিকৰ মৃত্যুক লৈ অসমৰ ACKHSA ছাত্ৰ সংগঠনে 12 ঘন্টীয়া বন্ধৰ আহ্বান কৰিছিল ৷ বৰাকত এই বন্ধৰ প্ৰভাৱ সৰ্বাত্মক হোৱা পৰিলক্ষিত হয় ৷

ৰাষ্ট্ৰপতি ডোনাল্ড ট্ৰাম্পৰ বিস্ফোৰক মন্তব্য ৷ টুইটযোগে প্ৰকাশ কৰিছে মন্তব্য ৷ জ' বিডেনক অপৰাধী সজোৱাৰ চেষ্টা ট্ৰাম্পৰ ৷ বিডেনৰ বিৰুদ্ধে আইনী প্ৰক্ৰিয়া আৰম্ভ কৰিব ট্ৰাম্পে ৷

অত্যাৱশ্যকীয় সামগ্ৰীৰ মূল্যবৃদ্ধিৰ বিৰুদ্ধে শনিবাৰে নগাঁৱত এক ব্যতিক্ৰমী প্ৰতিবাদী কাৰ্যসূচী ৰূপায়ন কৰে সদৌ অসম ছাত্ৰ সন্থাৰ নগাঁও জিলা সমিতিয়ে ৷ ডিঙিত আলু পিয়াঁজৰ মালা পৰিধান কৰি, কাঁহী-বাটি বজাই মূল্যবৃদ্ধিৰ বিৰুদ্ধে প্ৰতিবাদ সাব্যস্ত কৰে সংগঠনটোৰ কৰ্মী সকলে ৷