যোৰহাট,27 এপ্ৰিলঃ যোৰহাটত বিধ্বংসী ধুমুহাৰ তাণ্ডৱ । 26 এপ্ৰিলৰ সন্ধিয়া অহা এজাক প্ৰবল ধুমুহাই যোৰহাটৰ বিভিন্ন অঞ্চলত চলালে ধ্বংসলীলা । ধূলিৰ ধুমুহাত স্তব্ধ হৈ পৰিল জন-জীৱন । আধা ঘন্টা যোৰা ধুমুহাৰ অন্তত অঞ্চলজুৰি ওৰে নিশা ব্যাহত হৈ থাকিল বিদ্যুৎ যোগান । পুৱাৰ ভাগত ইটিভি ভাৰতৰ সাংবাদিকৰ হাতত পৰিল ধুমুহাৰ আচল ছবি । ইটিভি ভাৰতৰ হাতত পৰা তথ্য অনুসৰি যোৰহাটত চিনামৰা চাহ বাগিচাৰ অন্তৰ্গত মুৰমূৰীয়া বাগিচাৰ শ্ৰমিকৰ প্ৰায় চাৰিশৰো অধিক গৃহ উৰুৱাই নিলে বিধ্বংসী ধুমুহা জাকে । সম্পূৰ্ণৰূপে ধ্বংসপ্ৰাপ্ত হয় প্ৰায় অৰ্ধ শতাধিক বাসগৃহ । যাৰ ফলত এতিয়া দিশহাৰা হৈ পৰিছে চাহ বাগিছাৰ চাৰিশৰো অধিক সাধাৰণ শ্ৰমিক ।
ইতিমধ্যে,চিনামৰা চাহ বাগিচাৰ পৰিচালক স্বৰূপ ডেকাই ঘটনাস্থলীত উপস্থিত হৈ সমগ্র ঘটনাৰ তদন্ত কৰাৰ লগতে সকলো ক্ষতিগ্ৰস্ত শ্ৰমিকৰ সম্পৰ্কে স্থানীয় বিধায়ক তথা বিধান সভাৰ অধ্যক্ষ হিতেন্দ্ৰ নাথ গোস্বামীক অৱগত কৰা বুলি জানিবলৈ দিছে ।
