তিতাবৰ, 26 জুলাই: দিনকদিনে যোৰহাটৰ তিতাবৰত বৃদ্ধি পাইছে চোৰৰ উপদ্ৰৱ ৷ বিশেষকৈ চাইকেল চোৰে নিদ্ৰাহৰণ কৰিছে তিতাবৰবাসীৰ ৷ কিন্তু চোৰৰ আছিল কপাল বেয়া ! দিন-দুপৰতে তিতাবৰ তিনিআলিত চাইকেল চুৰি কৰি এটা চোৰ ৰোষত পৰে ৰাইজৰ । উল্লেখ্য যে,তিনিআলিৰ সমীপৰ এগৰাকী ব্যক্তিৰ ঘৰত সংস্থাপিত চিচিটিভিৰ ফুটেজ প্ৰত্যক্ষ কৰি ৰাইজে কৰায়ত্ত কৰে চাইকেল চোৰটোক ।
ৰাইজে বিতু কলিতা নামৰ চোৰটোক অৱশেষত কৰায়ত্ত কৰি উত্তম-মধ্যম শোধাই বান্ধি থয় খুঁটাত । চোৰটোৱে লক ডাউনৰ গইনা লৈ সংঘটিত কৰি আহিছিল চুৰি কাৰ্য ৷ পৰৱৰ্তী সময়ত স্থানীয় ৰাইজে তিতাবৰ আৰক্ষী খবৰ দিয়ে আৰু আৰক্ষীয়ে ঘটনাস্থলীত উপস্থিত হৈ আটক কৰে চোৰটোক ৷
চাইকেল চোৰ কৰায়ত্ত
লগতে চাওকঃ ৰঙিয়াত একেদিনাই ষোল্ল গৰাকীৰ দেহত কোভিড 19
