টীয়কত ব্যতিক্ৰমী দৃশ্যঃ চোৰে দিলে চোৰক নীতি শিক্ষা

জগদুৱাৰ দলৈ গাঁৱৰ ৰঞ্জন বৰুৱা নামৰ ক্ষুদ্ৰ চাহ খেতিয়ক জনৰ চাহ বাগিছাৰ পৰা সোমবাৰে নিশা মূল্যৱান সাঁচি গছ চুৰ কৰিছিল ধৃত লোককেইজনে ৷ কিন্তু গছ কেইজোপা গাড়ীত উঠাবলৈ লওতেই ৰাইজে হাতে লোটে কৰায়ত্ব কৰে চোৰ কেইটাক যদিও আন তিনিটা চোৰ পলাবলৈ সক্ষম হয় ৷

টীয়ক, 3 ডিচেম্বৰঃ টীয়কত মঙলবাৰে পুৱাই এক ব্যতিক্ৰমী দৃশ্যই আমোদ দিছে সকলোকে ৷ এজনে লোকে আন এজনক পিতিছে, দিছে নীতি শিক্ষা ৷ পিছে আমোদজনক কথাটো হ’ল পেচাত দুয়োজনেই সাঁচি চোৰ ৷ দীৰ্ঘদিন ধৰি টীয়কৰ জগদুৱাৰ অঞ্চলৰ পৰা সাঁচি গছ চুৰি কাৰ্যৰে জড়িত আছিল তিনিওজন ৷ মঙলবাৰে চোৰ তিনিজনৰ লগতে চোৰকেইটাক সহযোগ কৰা দুজনক আটক কৰি ৰাইজে গতাই দিয়ে আৰক্ষীক ৷

উল্লেখযোগ্য যে,জগদুৱাৰ দলৈ গাঁৱৰ ৰঞ্জন বৰুৱা নামৰ ক্ষুদ্ৰ চাহ খেতিয়ক জনৰ চাহ বাগিছাৰ পৰা সোমবাৰে নিশা মূল্যৱান সাঁচি গছ চুৰ কৰিছিল ধৃত লোককেইজনে ৷ কিন্তু গছ কেইজোপা গাড়ীত উঠাবলৈ লওতেই ৰাইজে চোৰ কেইটাক হাতে লোটে কৰায়ত্ব কৰে যদিও আন তিনিটা চোৰ পলাবলৈ সক্ষম হয় ৷ চোৰকেইটাই ব্যৱহাৰ কৰা এখন ইণ্ডিগো চি এচ গাড়ী আৰু হুণ্ডাই চাইন মটৰ চাইকেল ভাঙি চূৰমাৰ কৰাৰ লগতে আন এখন টাটা মেজিক গাড়ী জব্দ কৰি আৰক্ষীক চমজাই দিয়ে ৰাইজে ৷ জাহিৰ,বাবলু আৰু ৰাজীৱ নামৰ কাকজান দেৱান আৰু আৰন্ধৰা গাঁৱৰ তিনিটা চোৰক ৰাইজে কৰায়ত্ব কৰে যদিও ঋতু,ৱাকিব আৰু মাইনা নামৰ আন তিনিটা চোৰে পলায়ন কৰিবলৈ সক্ষম হয়।

আৰু পঢ়ক- বিলাসীপাৰাত আৰক্ষীৰ অভিযানত জব্দ কয়লা ভর্তি ট্রাকসহ বহু সামগ্ৰী