টিয়ক, 27 ডিচেম্বৰ : বহি:ৰাজ্যত অধ্যয়নৰত যোৰহাট আৰু শিৱসাগৰ জিলাৰ চাৰি ছাত্ৰই অসম তথা উত্তৰ-পূৰ্বাঞ্চলৰ মূল্যৱান সম্পদসমূহৰ বিষয়ে আভাস দিয়াৰ প্ৰয়াস কৰিছে ৷ সমগ্ৰ দেশৰ ছাত্ৰ সমাজে জানিব পৰাকৈ উত্তৰ পূৰ্বাঞ্চলৰ মূল্যবান সম্পদ সমূহক শ্ৰেণীকোঠাত ব্যৱহৃত নোটবহীত উপস্থাপন কৰিছে। নৌচাদ আহমেদ,জয়ন্ত চুতীয়া, ৰাজা শ্ৰীবাস্তৱ আৰু সাৰংগপাণি মহন্ত নামৰ ছাত্ৰ কেইজনৰ এই ব্যতিক্ৰমী প্ৰয়াসে সমগ্ৰ ভাৰতবৰ্ষৰ ছাত্ৰ-ছাত্ৰীয়ে উত্তৰ-পূৰ্বাঞ্চলৰ বিষয়ে জ্ঞান আহৰণ কৰিব পাৰিব।
উল্লেখ্য যে নৌচাদ আহমেদে "মুক্ত আকাশ" নামৰ এটা এপচৰ জৰিয়তে হাইস্কুল শিক্ষান্ত পৰীক্ষাত অৱতীৰ্ণ হ'বলগীয়া ছাত্ৰ-ছাত্ৰী সকলে যাতে সহজতে টেষ্ট পেপাৰ সমূহ লাভ কৰিব পাৰে তাৰো ব্যৱস্থা কৰিছিল । অসম তথা উত্তৰ-পূৰ্বাঞ্চলৰ কৃষ্টি-সংস্কৃতি তথা প্ৰাকৃতিক সৌন্দৰ্য বিশ্ববাসীৰ মাজত দাঙি ধৰাই প্ৰধান উদ্দেশ্য বুলি মন্তব্য কৰে যুৱক কেইজনে ৷ নোটবহী বিশ্বৰ সকলো প্ৰান্তৰ ছাত্ৰ-ছাত্ৰীয়ে ব্যৱহাৰ কৰিব পৰাকৈ অনলাইন আৰু অফলাইন দুয়োটা মাধ্যমতে উপলব্ধ হ'ব বুলি মন্তব্য কৰে ।
আৰু পঢ়ক : অখিল গগৈৰ মুক্তিৰ দাবীত উত্তাল টীয়ক
