ৰাজ্যৰ বিপদৰ সময়ত আদৰ্শ দেখুৱাইছে টীয়কৰ এটা সমন্বয় গোটে

ব্ৰহ্মপুত্ৰৰ বাঢ়নী পানীত উটি গ'ল বহু চকা কৃষকৰ সপোন ৷ এনে বিপদৰ সময়ত তেওঁলোকৰ বিপদৰ লগৰী হৈ থিয় দিবলৈ আগবাঢ়ি আহিছে টীয়কৰ এজাৰগুৰি সমন্বয় গোট ৷

টীয়ক,29 জুলাইঃ বানে বাৰে বাৰে কৃষকৰ কঠিয়া উটুৱাই নিয়াৰ পিছত কঠিয়া ৰুবৰ বাবে পুনৰ ওখ ঠাইৰ বিচাৰি হাহাকাৰ কৰিছে চহা ৰাইজে ৷ এনে বিপদৰ সময়ত বিপদৰ লগৰী হৈ থিয় দিবলৈ আগবাঢ়ি আহিছে টীয়কৰ এটা সমন্বয় গোট ৷ বানবিধস্ত কৃষৰ ৰাইজৰ সহায়ৰ বাবে আগবাঢ়ি আহিছে এজাৰগুৰি সমন্বয় গোট ৷ বৃহত্তৰ এজাৰগুৰি,জাঁজীমুখ,কাৱৈমাৰী আদি অঞ্চলৰ বান বিধস্ত কৃষকৰ সহায় হোৱাকৈ চৈমাৰী ধানৰ বীজ সিঁচাত ব্যস্ত হৈ পৰিছে এজাৰগুৰি সমন্বয় গোট ৷

গোটটোৰ এই পদক্ষেপত অগপৰ যোৰহাট জিলাৰ সম্পাদক বিকাশ শইকীয়া,পূব টীয়ক গাঁও পঞ্চায়ৰ সভানেত্ৰী ৰুমী বৰাকে ধৰি অঞ্চলটোৰ গৰিষ্ঠ সংখ্যক ব্যক্তিয়ে সহযোগিতা আগবঢ়োৱাৰ লগতে শলাগ লৈছে সকলোৱে।

লগতে চাওকঃআন্তৰ্জাতিক ব্যাঘ্ৰ দিৱস