টীয়ক, 20 ডিচেম্বৰ : কৃষক মুক্তি সংগ্ৰাম সমিতিৰ পৃষপোষকতাত সদ্য গঠিত আঞ্চলিক ৰাজনৈতিক দল ৰাইজৰ দলৰ দেওবাৰে যোৰহাট জিলাৰ ১০২ নং টীয়ক বিধানসভা সমষ্টিৰ মুখ্য কাৰ্যালয় টীয়ক নগৰৰ মাজমজিয়াত উদ্বোধন কৰা হয়। ৰাইজৰ দলৰ টীয়ক সমষ্টিৰ সভাপতি দিলীপ শইকীয়াই জিলা সভাপতি দিব্যজ্যোতি শৰ্মা, জিলা আহ্বায়ক ত্ৰিদীপ দত্ত, পাৰ্থ সাৰথি শইকীয়াকে প্ৰমুখ্য কৰি ভালেসংখ্যক বিষয়ববীয়াৰ উপস্থিতিত আনুষ্ঠানিক ভাৱে ফিটা কাটি উদ্বোধন কৰে কাৰ্যালয়টো । সমষ্টিৰ সম্পাদক মৃদুল বৰাই আঁতধৰা এই অনুষ্ঠানত উদ্বোধনৰ পাছতেই 'কা' আন্দোলনত শ্বহীদ হোৱা কেউগৰাকী শ্বহীদৰ প্ৰতিচ্ছবিত বন্তি প্ৰজ্বলন তথা পুষ্পাঞ্জলি কৰা হয় ৷ এই কাৰ্যসূচীৰ শুভাৰম্ভ কৰে কাকজান মহাবিদ্যালয়ৰ অৱসৱপ্ৰাপ্ত উপাধ্যক্ষ ড° ধীৰেন কলিতাই ।
উক্ত উদ্বোধনী অনুষ্ঠানৰ শুভ মূহুৰ্তৰ পৰাই বিজেপি তথা আৰ এছ এছৰ লগতে কংগ্ৰেছ এ আই ইউ ডি এফৰ মহাজোঁটবন্ধনৰ তীব্ৰ বিৰোধিতা কৰি অহা আঞ্চলিক শক্তিসমূহক একত্ৰিত হৈ নিৰ্বাচনত জয়লাভ কৰি প্ৰকৃত আঞ্চলিকবাদ প্ৰতিষ্ঠা কৰাৰ লগতে ৰাষ্ট্ৰীয়তাবাদী ৰাজনৈতিক শক্তিক পৰাভূত কৰিবলৈ সংকল্পবদ্ধ হয়।
লগতে পঢ়ক: জালুকবাৰীস্থিত চৰকাৰী আয়ুৰ্বেদিক মহাবিদ্যালয়ৰ প্ৰতিষ্ঠা দিৱস উদযাপন
