টীয়ক,16 জুলাইঃ পৰিৱৰ্তন সকলোৰে কাম্য । যুগৰ লগত খাপ খোৱাকৈ সকলোৱে বিচাৰে পৰিৱৰ্তন । কিন্তু পৰিৱৰ্তনৰ নামত আমাৰ পুৰণি ঐতিহ্য সমূহ পাহৰি পেলোৱাটো কিমান সমীচিন ? বুধবাৰে টীয়কত মৈত্ৰী আঁচনিৰ অধীনত কোটিৰো অধিক ব্যয় সাপেক্ষে নিৰ্মাণ কৰি উলিওৱা অত্যাধুনিক সা সুবিধাযুক্ত থানাখন উন্মোচন কৰে ৰাজ্যৰ মুখ্যমন্ত্ৰীয়ে ৷ টীয়কবাসীৰ বাবে এয়া গৌৰৱৰ কথা। কিন্তু তাৰ বিপৰীতে ১৯১৫ চনৰ ৫ জুলাইত বৃটিছে স্থাপন কৰা একেটা প্ৰাংগণতে থকা টীয়ক আৰক্ষী থানাৰ ঐতিহ্য বহন কৰা গৃহ বৰ্তমান অনাদৃত ।
পূৰ্বতে ২০০৫ চনত এই গৃহৰ পৰিৱৰ্তে কাষতে নতুন ভৱনলৈ স্থানান্তৰ হৈছিল থানাখন । পুনৰ টীয়ক আৰক্ষী থানা নৱনিৰ্মিত গৃহলৈ স্থানান্তৰৰ পথত। কিন্তু ইতিহাস বিজড়িত,জ্যোতি-বিষ্ণুৰ লগতে বহু স্বাধীনতা সংগ্ৰামীৰ পৰশ পৰা টীয়ক আৰক্ষী থানাৰ পুৰণি ভৱনটো উপযুক্ত সংৰক্ষণ নকৰাত জহি খহি গৈছে । সেয়ে এতিয়া এই ঐতিহাসিক গৃহটি সংৰক্ষণ বাবে দাবী জনাইছে টীয়কৰ সচেতন জনতাই।
লগতে পঢ়কঃকাজিৰঙাৰ বান পৰিস্থিতি পৰিদৰ্শন মুখ্যমন্ত্ৰীৰ
