টীয়ক,22 মাৰ্চ: নিৰ্বাচনত জয়ী হ'বলৈ প্ৰতিটো ৰাজনৈতিক দলে ন ন কৌশল অৱলম্বন কৰিছে । ৰাজ্যৰ বিভিন্ন সমষ্টিত শাসনাধিষ্ঠ বিজেপি দলে এইবাৰ বাটৰ নাট প্ৰদৰ্শন কৰি ভোটাৰক আকৃষ্ট কৰিবলৈ চেষ্টা কৰিছে । টীয়কৰ ৰাজ্যিক বিজেপিৰ সাংস্কৃতিক কোষৰ উদ্যোগত অসমৰ প্ৰায়বোৰ সমষ্টিতে চৰকাৰৰ বিভিন্ন অভিলাষী আঁচনি নাটৰ আকাৰে ৰাইজৰ মাজলৈ নিবলৈ তথা আঁচনিৰ স্বচ্ছতা শুদ্ধ ৰূপত উপস্থাপন কৰি ৰাইজক অৱগত কৰিবলৈ চেষ্টা কৰিছে ।
বিগত পাঁচটা বছৰত বিজেপি চৰকাৰে সমগ্ৰ অসমতে বাট-পথ, দলং নিৰ্মাণ, ব্যৱসায়, কৃষি, শিক্ষা, চাকৰি আদিৰ ক্ষেত্ৰত গ্ৰহণ কৰা পদক্ষেপৰ বিষয়ে জন সাধাৰণক অৱগত কৰি পুনৰ ৰাইজ উপকৃত হ'বলৈ বিজেপিৰ পক্ষতে ভোটদান কৰিবলৈ আহ্বান জনায় ।
লগতে পঢ়ক : প্ৰতিশ্ৰুতি নহয়, গেৰাণ্টিৰ সৈতে কলিয়াবৰত প্ৰিয়ংকা গান্ধী
