অমৃতা গগৈ সহিতে মৰিয়নীত প্ৰতিঘাত কলা-কুশলীৰ প্ৰচাৰ অভিযান

ৰাজ্যৰ প্ৰান্তে প্ৰান্তে চলি আছে টীম প্ৰতিঘাতৰ প্ৰচাৰ অভিযান ৷দেওবাৰে মৰিয়নীত প্ৰচাৰ চলালে টীম প্ৰতিঘাতে ৷

মৰিয়নি,25 নৱেম্বৰঃ অহা 6 ডিচেম্বৰ তাৰিখে মুক্তি পাব আগন্তুক অসমীয়া ছবি 'প্ৰতিঘাত' ৷ "যদি জীয়াই থাকিবলৈ মন আছে মোৰ পৰা পাঁচ ফুট দূৰত থাকিবি " এই সংলাপৰে আগবাঢ়িছে অমৃতা গগৈৰ সহিতে টীম প্ৰতিঘাত ৷ জুবিন গাৰ্গৰ অসমীয়া বোলছবি "মিছন চাইনা" মুক্তি পোৱাৰ পূৰ্বে ৰাইজৰ মাজলৈ আহি চিনেমাখন প্ৰচাৰৰ প্ৰয়াস কৰিছিল । তাৰ পাছতে ৰাইজৰ মাজত "কাঞ্চনজংঘা" আৰু "ৰত্নাকৰ" ছবিয়ে জোৰদাৰ প্ৰচাৰ চলায় বিপুল সঁহাৰি লাভ কৰিছে অসমৰ ৰাইজৰ পৰা । সম্প্ৰতি অভিনেত্ৰী অমৃতা গগৈ সহিতে প্ৰতিঘাত ছবিখনৰ সকলো কলা-কুশলী নামি পৰিছে প্ৰচাৰ অভিযানত ৷ দেওবাৰে প্ৰতিঘাতৰ মুখ্য অভিনেত্ৰী অমৃতা গগৈ অভিনেতা পদ্মৰাগ গোস্বামী সহ প্ৰতিঘাতৰ বহুকেইজন কলা কুশলী মৰিয়নীত উপস্থিত হৈ প্ৰচাৰ চলায় আগন্তুক অসমীয়া ছবিখনৰ ৷