যোৰহাটৰ পদপথৰ কাষত বহি দুই শিক্ষকৰ প্ৰতিবাদ

ন্যায্যপ্ৰাপ্তিৰ দাবীত যোৰহাট জিলা উপায়ুক্ত কাৰ্যালয়ৰ সন্মুখত প্ৰতিবাদী কাৰ্যসূচী গ্ৰহণ কৰে দুগৰাকী শিক্ষকে ৷ বিগত দহটা বছৰে ৬০০০ জনকৈ ঠিকাভিক্তিক শিক্ষকে কেৱল প্ৰতাৰণা আৰু প্ৰৱঞ্চনাৰ বলি হৈছে বুলি অভিযোগ উত্থাপন কৰে শিক্ষক দুগৰাকীয়ে ৷

যোৰহাট, 15 নৱেম্বৰঃ যোৰহাট চহৰৰ ৰাজপথৰ কাষত দুজন শিক্ষকৰ প্ৰতিবাদী কাৰ্যসূচী ৷ ন্যায্যপ্ৰাপ্তিৰ দাবীত যোৰহাট জিলা উপায়ুক্ত কাৰ্যালয়ৰ সন্মুখত প্ৰতিবাদী কাৰ্যসূচী ৰূপায়ন কৰে শিক্ষক দুগৰাকীয়ে ৷ বিগত দহটা বছৰে ৬০০০ জনকৈ ঠিকাভিক্তিক শিক্ষকে কেৱল প্ৰতাৰণা আৰু প্ৰৱঞ্চনাৰ বলি হৈছে বুলি অভিযোগ উত্থাপন কৰে শিক্ষক দুগৰাকীয়ে ৷

আনহাতে, যোৰহাট চহৰৰ ৰাজপথৰ কাষত কৰা শিক্ষক দুগৰাকীৰ প্ৰতিবাদে বাটৰুৱাৰ দৃষ্টি আকৰ্ষণ কৰিবলৈ সক্ষম হৈছে যদিও বৰ্তমানলৈ কাণসাৰ নাই চৰকাৰী পক্ষৰ ৷ যাৰ বাবে চৰকাৰী ৰঙা ফিটাৰ মেৰপেছত ভৱিষ্যৎ বন্দী হৈ পৰা শিক্ষক সকলে লাভ কৰা নাই দৰমহা ৷ সেয়ে শিক্ষক সকলৰ দৰমহা নিয়মীয়া কৰিবলৈ দাবী জনাই প্ৰতিবাদী কাৰ্যসূচী ৰূপায়ন কৰে দুই শিক্ষকে ৷