যোৰহাট, 25 মাৰ্চ : মৰিয়নী পৌৰসভা নিৰ্বাচনত বিজেপিৰ শোচনীয় পৰাজয়ৰ (BJPs debacle in municipal election at Mariani) পাছত বিধায়ক ৰূপজ্যোতি কুৰ্মীৰ সংবাদমেল । মৰিয়নী পৌৰসভা বিজেপিয়ে গঠন কৰিব নোৱাৰিব বুলি জনাৰ পাছতো বিজেপিয়েই গঠন কৰাৰ ওপৰত এতিয়াও সম্পূৰ্ণ আশাবাদী ৰূপজ্যোতি কুৰ্মী। অহা ৪ এপ্ৰিলৰ ভিতৰত গঠন হ'ব মৰিয়নী পৌৰসভা।
মৰিয়নী পৌৰসভাৰ যিকেইটা ৱাৰ্ডত বিজেপি জয়ী হোৱা নাই সেই সমূহ ৱাৰ্ডত কোনো উন্নয়ন নহ'ব বুলিও ৰূপজ্যোতি কুৰ্মীৰ ঘোষণা । উল্লেখ্য যে, পুনৰ জ্যোতিষী প্ৰসংগটো টানি আনি কয় যে তেওঁ ৭০ বছৰ জীয়াই থাকিব আৰু জীয়াই থকা সময়লৈকে বিধায়ক হৈয়েই থাকিব বুলিও দাবী কৰি জনপ্ৰিয় বোলছবি পুষ্পাৰ সংলাপ (Rupjyoti Kurmi comes with Pushpa dialogue) দোহাৰি তেওঁ কয়, ''ৰূপজ্যোতি কুৰ্মী কভী ঝুকেগা নেহী'' ।
বিধায়ক গৰাকীয়ে সংবাদমেল খনত লগতে জানিবলৈ দিয়ে যে, পৰৱৰ্তী নিৰ্বাচন নতুন সমষ্টি ভিত্তিত অনুস্থিত হ'ব যাৰ ফলত মৰিয়নী সমষ্টিৰ শেষগৰাকী বিধায়ক হিচাবে ৰৈ যাব বিধায়ক ৰূপজ্যোতি কুৰ্মী।
লগতে পঢ়ক : মঙলদৈ চহৰত ঘোঙৰ আতংক
