যোৰহাট, 4 আগষ্ট : যোৰহাটৰ জে বি ৰোডত মঙলবাৰে দিন দুপৰতে সংঘটিত হৈছে ধন লুট (Money Loot)ৰ ঘটনা ৷ আৰ পি এজেন্সীত কৰ্মৰত এজন যুৱকৰ পৰা বাইকেৰে অহা দুই চিলনী চোৰে কাঢ়ি নিয়ে টকাৰ বেগ ৷ ইয়াৰ পাচতে যুৱকজনে বাইকৰ পিছে পিছে গৈছিল যদিও চোৰ দুটাক ধৰিবলৈ সক্ষম নহ’ল ৷
লগতে পঢ়ক : পোন্ধৰ হাজাৰ টকা উৎকোচ লৈ গ্ৰেপ্তাৰ হ’ল কৃষি বিষয়া জ্যোতিৰেখা দাস
ঘটনা সম্পৰ্কে এজেন্সীৰ মালিকক অৱগত কৰে যুৱকজনে ৷ যুৱকজনৰ বেগটোত মুঠ 40 হাজাৰ টকা থকা বুলি জানিব পৰা গৈছে ৷ জিলাখনত প্ৰতিদিনে বৃদ্ধি পোৱা ধন লুটৰ ঘটনাই শংকিত কৰি তুলিছে যোৰহাটবাসীক ৷
কিছুদিন পূৰ্বেও এখন ব্যৱসায়িক প্ৰতিষ্ঠানৰ পৰা প্ৰায় 80 হাজাৰ টকা লুটি নিছিল অচিনাক্ত ডকাইতে ৷ আনহাতে 3 আগষ্টত জে বি ৰোডত আন এজন লোকৰ পৰাও 27 হাজাৰ টকা থপিয়াই উধাও হৈছিল দুই অচিনাক্ত যুৱকে ৷
লগতে পঢ়ক : বগা-টেকেলি আলহী হ'ল বিজয়নগৰ আৰক্ষী চকীৰ
