পথৰ কাষত উন্মুক্ত ট্ৰেন্সফৰ্মাৰ মৰিয়নীত

যোৰহাট মৰিয়নী ঘাইপথৰ দাঁতিতে তিনিফুট উচ্চতাত উন্মুক্ত ট্ৰেন্সফৰ্মাৰক লৈ আশংকাত ভুগিছে ৰাইজে ৷ বাৰে বাৰে মৰণফান্দ শক্তিবিভাগৰ ৷

মৰিয়নি, 9 চেপ্তেম্বৰঃ মৰিয়নীৰ নগৰৰ মাজমজিয়াত এটা উন্মুক্ত ট্ৰেন্সফৰ্মাৰক লৈ নিৰাপত্তাহীনতাত ভুগিছে ৰাইজ ৷ প্ৰাপ্ত তথ্য মতে,যোৰহাট মৰিয়নী ঘাইপথৰ মৰিয়নী নগৰৰ চিনেমা হ'ল তিনিআলিৰ দাঁতিতে থকা এটা ট্ৰেন্সফৰ্মাৰ উন্মুক্ত হৈ থকাৰ ফলত যিকোনো সময়তে ভয়ংকৰ দুৰ্ঘটনাৰ আশংকাত দিন কটাইছে ৰাইজে ৷ ঘাই পথৰ দাঁতিত ফুটপাথত এনেদৰে প্ৰায় তিনিফুট উচ্চতাত থকা এই উন্মুক্ত ট্ৰেন্সফৰ্মাৰটোক লৈ কেৱল মানুহৰে নহয়,ট্ৰেন্সফৰ্মাৰটোৰ সংস্পৰ্শলৈ আহি পশুধনৰো ক্ষতি হোৱাৰ আশংকাত ভুগিছে স্থানীয় ৰাইজে ৷