যোৰহাটত পিঞ্জৰাবদ্ধ নাহৰফুটুকী

বৃহস্পতিবাৰে নিশা সৰু চৰাই চাহ বাগিচাত পিঞ্জিৰাবদ্ধ হয় নাহৰফুটুকী ৷ বিগত কেইবাদিন ধৰি অঞ্চলটোত সন্ত্ৰাস চলাই আহিছিল নাহৰফুটুকীটোৱে ৷

যোৰহাট, 18 অক্টোবৰঃ যোৰহাটত নাহৰফুটুকী পিঞ্জৰাবদ্ধ ৷ বৃহস্পতিবাৰে নিশা সৰু চৰাই চাহ বাগিচাত পিঞ্জৰাবদ্ধ হয় নাহৰফুটুকীটো ৷ বিগত কেইবাদিন ধৰি ধৰি নাহৰফুটুকীটোৱে হাঁহ, কুকুৰা, ছাগলী আদি খাই গাওঁবাসীৰ মাজত সন্ত্ৰাসৰ সৃষ্টি কৰি আহিছিল ৷ ফলত গাঁৱবাসীয়ে বন বিভাগক অৱগত কৰে আৰু বন বিভাগে নাহৰফুটুকীটো আৱদ্ধ কৰিবৰ বাবে বুধবাৰে পিঞ্জৰা স্থাপন কৰে ৷ বন বিভাগৰ লোকে জনোৱা মতে মতা নাহৰফুটুকীটোৰ বয়স প্ৰায় ৮ বছৰ ৷

উল্লেখ্য যে, সৰু চৰাই চাহ বাগিচা অঞ্চলত পূৰ্বৰে পৰা নাহৰফুটুকীটোৱে পোহনীয়া জীৱ জন্তু ভক্ষণ কৰি সন্ত্ৰাস সৃষ্টি কৰি আহিছে ৷