টিয়ক,20 ফেব্ৰুৱাৰী: শুকুৰবাৰে কাকজান মহাবিদ্যালয়ত প্ৰান্তীয় কন্ঠ শীৰ্ষক বক্তৃতা অনুষ্ঠান আয়োজন কৰা হয় ৷ এই বক্তৃতা অনুষ্ঠানত মুখ্য অতিথি হিচাপে উপস্থিত থাকে সাহিত্য একাডেমী বঁটা প্ৰাপক, ৰাজীৱ গান্ধী পেট্ৰ’লিয়াম ইউনিভাৰচিটি পদাৰ্থ বিজ্ঞানৰ সহকাৰী অধ্যাপক তথা বিশিষ্ট কবি, সাহিত্যিক ড৹ কমল কুমাৰ তাঁতী ৷
যোৰহাট জিলা টীয়কৰ অন্যতম অগ্ৰণী শিক্ষানুষ্ঠান কাকজান মহাবিদ্যালয়ৰ ইংৰাজী বিভাগৰ ইংলিছ ষ্টাডী আৰু লিটাৰেৰী ফ'ৰামৰ উদ্যোগত প্ৰত্যেক বছৰে আয়োজন কৰা হয় এই প্ৰান্তীয় কন্ঠ শীৰ্ষক বক্তৃতা অনুষ্ঠান ৷
এই বক্তৃতা অনুষ্ঠানত প্ৰান্তীয় কন্ঠৰ বৈশিষ্টৰ লগতে সাহিত্যত ইয়াৰ প্ৰতিফলনৰ ওপৰত আলোকপাত কৰে । মহাবিদ্যালয়ৰ ইংৰাজী বিভাগৰ মুৰব্বী অধ্যাপক ড৹ পংকজ গোস্বামীৰ সভাপতিত্বত আয়োজিত হোৱা এই অনুষ্ঠানত মহাবিদ্যালয়ৰ কেইবা গৰাকী অধ্যাপক উপস্থিত থাকি এই অনুষ্ঠানটি সাফল্যমণ্ডিত কৰি তোলে । লগতে এই অনুষ্ঠানে ছাত্ৰ ছাত্ৰী সকলক ভৱিষ্যত জীৱনত সহায় কৰিব বুলি আশা প্ৰকাশ কৰে উদ্যোক্তাসকলে ।
লগতে পঢ়কঃ আবতৰীয়া দীপাৱলী পাতি মোডীক ধন্যবাদ জনালে মাজুলীবাসীয়ে
