যোৰহাট, ২৪ ছেপ্টেম্বৰ: উত্তৰ যোৰহাটৰ বাহনাৰ কৃষি প্ৰধান অঞ্চলৰ পৰা গৈ সাত সাগৰ তেৰ নদীৰ সিপাৰত প্ৰশংসা বুটলিবলৈ সক্ষম হৈছে লেখক-সাংবাদিক তথা পৰিৱেশ কর্মী জিতু কলিতাই । ২০১৬ চনৰ পৰা বৰ্তমানলৈকে ৪ বাৰৰ ভিতৰত তিনিবাৰে সফলভাৱে ভাৰতৰ হৈ টাইৱানত প্ৰতিনিধিত্ব কৰিছিল ৷ ক'ভিডৰ বাবে এবছৰ বাদ পৰিছিল ৷ বিগত সময়ত অসম, বিহাৰ, মহাৰাষ্ট্ৰ, আৰু শেহতীয়াকৈ এই বৰ্ষত গুজৰাটৰ সংবাদ প্ৰতিবেদৰ বাবে কলিতাই টাইৱানত ১৫ ছেপ্টেম্বৰৰ পৰা ২৩ ছেপ্তেম্বৰলৈ আয়োজিত চি টি কে এডুকেছন ফ্ৰাউণ্ডেচনৰ আন্তঃৰাষ্ট্ৰীয় সভাত অংশগ্ৰহণৰ কৰে ৷
সভাকক্ষত ভাৰতীয় হৈ গুজৰাটৰ ভাব নগৰৰ চৰকাৰী চিকিৎসা মহাবিদ্যালয়ৰ এজন মেধাবী ছাত্ৰ মাত্ৰ ৩ফুট উচ্চতা হোৱাৰ বাবে চিকিৎসা বিজ্ঞানৰ পাঠ্যক্ৰমৰ পৰা বাদ পৰিছিল ৷ মেডিকেল ব'ৰ্ডে পাঠ্যক্ৰমৰ পৰা বঞ্চিত কৰা কাহিনীটো সহজ নাছিল ৷ যিটো বিষয় ভাৰততে খলকনি লগোৱাই নহয় বিশ্বটো নতুন বিষয় হিচাপে প্ৰতিষ্ঠা হৈছে ৷ কাৰণ ছাত্ৰ অৱস্থাত ন্যায়ৰ বিৰুদ্ধে যুঁজিবলৈ সাহস কোনেও নকৰে ৷ তেনে অৱস্থাত চিকিৎসা বিজ্ঞানৰ পৰা বঞ্চিত হোৱাৰ বাবে গণেশ বেৰিয়া নামৰ সাধাৰণ খেতিয়কৰ পৰিয়ালৰ যুৱকজনে গুজৰাটৰ উচ্চ ন্যায়ালয়ত বিষয়টোৰ ওপৰত গোচৰ দিয়ে ৷
কিন্তু গণশে তাৰ পৰা কোনো সকাহ নাপাই অৱশেষত উচ্চতম ন্যায়ালয়লৈ যাব লগা হ'ল ৷ কিছুদিন পাছত উচ্চতম ন্যায়ালয়ে গণেশৰ ঘটনাটোক লৈ সাপেক্ষে ৰায় দিয়ে ৷ ২০১৮ চনৰ ২২ অক্টোবৰত গণেশৰ নামতে আইন হৈ পৰিছিল ৷ কিন্তু তেতিয়ালৈ মেডিকেলৰ পাঠদান ৬ মাহ আগবাঢ়ি গ'ল ৷ যাৰ বাবে উচ্চতম ন্যায়ালয়ে একেটা ৰায়তে জনালে যে প্ৰথম বছৰত নাম ভৰ্তি নহ'লেও পিছৰ বছৰটো কোনো পৰীক্ষা নিদিয়াকৈ হঠাৎ নাম ভৰ্ত্তি কৰিবলৈ অনুমতি দিবলৈ নিৰ্দেশ দিয়ে ৷
যাৰ বাবে ২০১৯ বৰ্ষত গণেশ বেৰিয়াই নাম ভৰ্তি কৰিবলৈ সক্ষম হ'ল ৷ প্ৰকৃত ন্যায়ৰ বিৰুদ্ধে ছাত্ৰ অৱস্থাতে যি সাহস দেখুৱালে সেয়া ভাৰতত একমাত্ৰ আছিল ৷ এই ঘটনাটো সন্দৰ্ভত ২০২০-২১ চনত জিতু কলিতাই অধ্যয়ন কৰি কেবাটাও প্ৰতিবেদন আৰু তথ্যচিত্ৰ প্ৰস্তুত কৰিছিল ৷ আগৰ দৰেই কলিতাই বহুকেইখন দেশলৈ পঠাইছিল যদিও টাইৱানে একেবাৰতে প্ৰস্তাৱটোত সন্মত হ'ল ৷ যাৰ বাবে ২০২২ চনৰ বাবে গণেশলৈ দেশখনৰ বিৰল পুৰস্কাৰ আগবঢ়াইছিল যদিও সেইবছৰৰ মেডিকেলৰ পৰীক্ষা থকাৰ বাবে অংশগ্ৰহণ কৰিব নোৱাৰিলে ৷
যাৰ বাবে এই বৰ্ষত টাইৱানৰ চৰকাৰ আৰু চি টি কে ফ্ৰাউণ্ডচনে সকলো যাবতীয় ব্যৱস্থা কৰে৷ কলিতাই গণেশ বেৰিয়াৰৰ জীৱন কাহিনীটো আন্তঃৰাষ্ট্ৰীয় অনুষ্ঠানত ভাষণ আৰু তথ্যচিত্ৰ প্ৰদৰ্শন কৰে ৷ জিতু কলিতাই গণেশৰ বিষয়ে টাইৱানৰ বহুকেইখন শিক্ষা প্ৰতিষ্ঠাৰ লগতে ৰাষ্ট্ৰপতিৰ আগটো বিষয়টো উপস্থাপন কৰিছিল ৷ ২০ ছেপ্টেম্বৰত কলিতাই অসমীয়া স্বাভিমান স্বৰূপ এখন গামোচাৰে টাইৱানৰ ৰাষ্ট্ৰপতি টি চেই ওৱেঙক সম্বৰ্ধনা জনোৱাৰ লগতে ভাৰতীয় প্ৰতিনিধি হিচাপে কথোপকথন কৰে ৷
টাইৱানৰ ৰাষ্ট্ৰপতিৰ ভৱনৰ কক্ষত কলিতাই ৰাজস্থানৰ ওপৰত লেখা গ্ৰন্থ এখনো উপহাৰ হিচাপে দিয়ে ৷ ৰাষ্ট্ৰপতি ভৱনৰ সভাত ৰাষ্ট্ৰপতিগৰাকীয়ে চিন স্বৰূপে একোটাকৈ পদক চিহ্ন সামগ্ৰীও প্ৰদান কৰে ৷ এই বৰ্ষৰ বাবে গণেশ বেৰিয়াই যথেষ্ট সন্মান সহকাৰে টাইৱানৰ শিক্ষাৰ ওপৰত থকা বঁটাটি গ্ৰহণ কৰি ভাৰতলৈ গৌৰৱ কঢ়িয়াই আনে ৷ বিগত বৰ্ষত কলিতাৰ এখন গ্ৰন্থ ‘২০১৬’ চীনা ভাষালৈ অনুবাদ হৈছিল আৰু সেই গ্ৰন্থখন টাইৱানৰ ৰাষ্ট্ৰপতিয়ে ‘২০১৬’ উন্মোচন কৰাটো ভাৰত তথা অসমৰ বাবে গৌৰৱ বিষয় আছিল ৷ কলিতাৰ সাংবাদিক হিচাপে কৰা বিৰল পদক্ষেপক অসম ৰাজ্যিক সাংবাদিক সন্থা, ইণ্ডিয়ান জাৰ্নেলিষ্ট ইউনিয়ন আৰু নৰ্থ ইষ্ট ওৱকিং জাৰ্নেলিষ্ট ইউনিয়নৰ পৰা শুভেচ্ছা জ্ঞাপন কৰে ৷
লগতে পঢ়ক: Narcotic substances seized: সৰবৰাহকাৰীসহ কাছাৰত জব্দ প্ৰায় 2 কোটি টকা মূল্যৰ নিচাজাতীয় টেবলেট
