যোৰহাট, 22 আগষ্টঃ যোৰহাটৰ মাজ মজিয়াৰ মিঠাপুখুৰীস্থিত মেৰিডিয়ান ৰেষ্টোৰাত দুপৰীয়াৰ আহাৰ গ্ৰহণ কৰিবলৈ অহা এজন ঠিকাদাৰৰ পৰা ৭ লাখ টকা লুটি নিলে কোনো দুৰ্বৃত্তই । জুৱেল বৰা নামৰ তিতাবৰৰ জালুকনিৰ ঠিকাদাৰ জনে ভাৰতীয় ষ্টেট বেংকৰ ন-কছাৰি শাখাৰ পৰা ২ লাখ আৰু যোৰহাট চহৰৰ সোঁ মাজত থকা ষ্টেট বেংকৰ মুখ্য শাখাৰ পৰা ৫ লাখ টকা উলিয়াইছিল । টকা খিনি লৈ দুজন বন্ধুৰ সৈতে মেৰিডিয়ান ৰেষ্টোৰাত আহাৰ গ্ৰহণ কৰিবলৈ গৈছিল ঠিকাদাৰজন৷ আহাৰ গ্ৰহণ কৰি হাত ধুবলৈ যাওতেই সাতলাখ টকা লৈ উধাও হয় এজন যুৱক ।
ইতিমধ্যে সম্পূৰ্ণ ঘটনা ৰেষ্টোৰাখনৰ চিচি টিভি কেমেৰাত বন্দী হৈছে যদিও বৰ্তমানেও আৰক্ষীয়ে ধৃত যুৱকৰ পৰিচয় উলিয়াবলৈ সক্ষম হোৱা নাই । আনহাতে আৰক্ষীয়ে ঘটনাটোৰ ক্ষেত্ৰত গুৰুত্ব প্ৰদান নকৰাৰ অভিযোগ ভুক্তভোগী জুৱেল বৰাৰ৷
