যোৰহাট, 5 ছেপ্তেম্বৰঃ যোৰহাটত সংঘটিত হৈছে এক চাঞ্চল্যকৰ হত্যাকাণ্ডৰ ঘটনা ৷ বন্ধ কোঠাৰ ভিতৰৰ পৰা উদ্ধাৰ হৈছে এজন যুৱকৰ ৰক্তাক্ত মৃতদেহ ৷ চহৰখনৰ চন্দন নগৰৰ বাইলেন ৪ ত শনিবাৰে সংঘটিত হৈছে এই হত্যাকাণ্ড ৷ হীৰা প্ৰসাদ নাথ নামৰ লোকজনৰ ঘৰত ভাড়াতীয়া হিচাপে থকা ৰাহুল বসুমতাৰী নামৰ ওদালগুৰিৰ যুৱকজনৰ ৰক্তাক্ত মৃতদেহ কোঠাৰ ভিতৰৰ পৰা উদ্ধাৰ হোৱাক লৈ এতিয়া অঞ্চলজুৰি সৃষ্টি হৈছে তীব্ৰ চাঞ্চল্যৰ ৷ উল্লেখ্য যে, যোৰহাট হোমিও পেথিক কলেজৰ পৰা শিক্ষা সাং কৰি প্ৰশিক্ষণ গ্ৰহণ কৰি আছিল ৰাহুল বসুমতাৰীয়ে ৷ সম্প্ৰতি ঘটনাস্থলীত যোৰহাট আৰক্ষীৰ এটা দল উপস্থিত হৈ আৰম্ভ কৰিছে তদন্ত ৷
আনহাতে, ঘটনা সন্দৰ্ভত অবগত কৰি যোৰহাটৰ অতিৰিক্ত আৰক্ষী বিষয়াই সন্দেহ ব্যক্ত কৰি ক’লে, পাচলি কটা এখন চুৰিৰে ডিঙি ৰেপি হত্যা কৰা হৈছে ৰাহুলক ৷ ইয়াৰ উপৰিও হত্যাকাণ্ডত দুজন লোক জড়িত থকাৰো সন্দেহ প্ৰকাশ কৰিছে আৰক্ষীয়ে ৷ অতিশীঘ্ৰে হত্যাকাৰীক কৰায়ত্ব কৰা হ’ব বুলিও আশ্বাস প্ৰদান কৰিছে আৰক্ষী বিষয়াগৰাকীয়ে ৷
লগতে পঢ়ক-সুস্থিৰ হৈছে প্ৰাক্তন মুখ্যমন্ত্ৰী প্ৰফুল্ল কুমাৰ মহন্তৰ স্বাস্থ্য
