যোৰহাট,30 জুলাই : সুচিন্তা একাগ্ৰতা আৰু ইচ্ছা থাকিলে সপোন যেন সাকাৰ কৰিব পাৰিযে সেই কথা প্ৰমাণিত কৰি দেখোৱালে যোৰহাটৰ চেনীজান চাহ বাগিচাৰ এগৰাকী যূৱতীয়ে । ছাগলী গাখীৰৰ পৰা চাবোন তৈয়াৰ কৰি ৰাজ্যৰ বজাৰ লৈ এক অনবদ্য অৱদান আগবঢ়ালে । আৰাধনা শৰ্মা নামৰ যোৰহাটৰ চেনিজান চাহবাগিছাৰ যূৱতী গৰাকীয়ে প্ৰাকৃতিক ভাৱে 'নিয়ৰ' নামৰ এটা প্ৰতিষ্ঠান ঘৰতে খুলি উৎপাদন কৰিছে গা-ধূৱা চাবোন । অমিতা, কয়লা, ক্লে,আদিৰ লগতে ছাগলীৰ গাখীৰৰ পৰাও তৈয়াৰ কৰিছে চাবোন । সাম্প্ৰতিক গুৱাহাটীৰ বজাৰত বিক্ৰীৰ বাবে মুকলি কৰা সেই চাবোন অতি সোনকালে সমগ্র ৰাজ্যতে উপলব্ধ হব বুলি জানিব দিয়ে ।
বৰ্তমান তেওঁৰ এই উৎপাদন প্ৰতিষ্ঠানটোত নিয়োগ কৰিছে ছয় গৰাকী কৰ্মচাৰী । বিগত বৰ্ষৰ নম্বেবৰ মাহৰ পৰা আৰাধনা শৰ্মাই চাবোন তৈয়াৰ কৰা কাম আৰম্ভ কৰিছিল আৰু চলিত বৰ্ষৰ ফ্ৰেবুৱাৰী মাহৰ পৰা বজাৰত বিক্ৰীৰ বাবে মুকলি কৰে এই উৎপাদিত চাবোন সমুহ । বৰ্তমান অনলাইনতো উপলব্ধ আৰাধনা শৰ্মাৰ দ্বাৰা উৎপাদিত সামগ্ৰী । ভৱিষ্যতে চাবোন লগতে প্ৰাকৃতিক ভাৱে উৎপাদন কৰা প্ৰসাধন সামগ্ৰী তৈয়াৰ কৰাৰ পৰিকল্পনা । উল্লেখযোগ্য যে মোম্বাই ছথিয়া কলেজৰ পৰা স্নাতক ডিগ্ৰী লাভ কৰা আৰাধনা শৰ্মা হৈছে চেনীজান চাহ বাগিচাৰ স্বত্বাধীকাৰ প্ৰয়াত অমৰজ্যোতী শৰ্মাৰ কণ্যা ।
