যোৰহাট,18জুলাইঃ শনিবাৰে যোৰহাট চিকিৎসা মহাবিদ্যালয়ত উপস্থিত হৈ কভিড-19 পৰিস্থিতিৰ পৰ্যবেক্ষন কৰে ৰাজ্যৰ স্বাস্থ্যমন্ত্ৰী ড৹ হিমন্ত বিশ্ব শৰ্মাই ৷ ৰাজ্যৰ অন্য প্ৰান্তৰ দৰে যোৰহাটতো ক'ভিড-19 আক্ৰান্তৰ সংখ্যা দিনক দিনে বৃদ্ধি পাবলৈ ধৰিছে ৷ ফলত চিকিৎসালয় সমূহৰ দ্বায়িত্বও বৃদ্ধি পাইছে আৰু এই ক্ষেত্ৰত যোৰহাট চিকিৎসা মহাবিদ্যালয়ে সুন্দৰকৈ পৰিস্থতিৰ সৈতে মোকাবিলা কৰিছে বুলি মন্ত্ৰী গৰাকীয়ে উল্লেখ কৰে ৷ আনহাতে যোৰহাট চিকিৎসা মহাবিদ্যালয়ত কেইবাজনো স্বাস্থ্য কৰ্মী কৰ'ণাত আক্ৰান্ত হৈছে বুলি জানিব পৰা গৈছে ৷ আগন্তুক আগষ্ট মাহৰ ভিতৰত ৰাজ্যত কৰ'ণা আক্ৰান্তৰ সংখ্যা 65 হাজাৰলৈকে বৃদ্ধি পাব পাৰে বুলি কেন্দ্ৰীয় চৰকাৰে ৰাজ্য চৰকাৰক জনাইছে বুলি হিমন্ত বিশ্ব শৰ্মাই সদৰি কৰে ৷
যোৰহাটত উপস্থিত স্বাস্থ্য মন্ত্রী ড৹ হিমন্ত বিশ্ব শৰ্মা
লগতে পঢ়কঃ গৰাখহনীয়াগ্ৰস্ত পৰিয়ালক সাহাৰ্য প্ৰদানৰ নামত দুৰ্নীতিৰ অভিযোগ
