টীয়ক,3 জুন : যোৰহাট জিলাৰ টীয়কৰ লাহদৈগড়ত বুধবাৰে হাতী দাঁতসহ তিনিটা জুৱাৰীক আটক কৰে আৰক্ষীয়ে ৷ মেলেং মধুপুৰৰ পৰা আটক হোৱা জুৱাৰী তিনিটা অচিন্ত বৰা, হৰেণ বৰা আৰু দিপু দাস বুলি জানিব পৰা গৈছে ৷ জুৱাৰী তিনিটাৰ বাসগৃহত হাতী দাঁত মজুত থকাৰ তথ্য লাভ কৰাৰ উপৰিও তিনিওজন অনলাইন জুৱা খেলৰ সৈতে জড়িত বুলি তথ্য লাভ কৰে আৰক্ষীয়ে ৷ উল্লেখ্য যে, আইপিএলৰ জুৱা খেলৰ অভিযোগতো অভিযুক্ত এই জুৱাৰী তিনিটা ৷
টীয়কত হাতী দাঁতসহ তিনি জুৱাৰী আটক
জুৱাৰী তিনিটাৰ পৰা হাতীৰ দাঁতৰ উপৰিও নগদ ধন 18,330 টকা আৰু অনলাইন জুৱা খেলত ব্যৱহৃত তিনিটা ম’বাইল ফোন জব্দ কৰি আৰক্ষীৰ থানাত 354/21 নম্বৰত গোচৰ ৰুজু কৰা হৈছে ৷ ইতিমধ্যে তিনিওকে যোৰহাটৰ আদলতত হাজিৰ কৰোৱা বুলি জানিব পৰা গৈছে ৷
লগতে পঢ়ক : শিৱসাগৰত বুধবাৰে নিশা ড্ৰাগছ বিৰোধী অভিযান
