যোৰহাট, 15 আগষ্ট: আজি দেশৰ 76 সংখ্যক স্বাধীনতা দিৱস (76th Independence day of India) ৷ দেশৰ ৭৬ সংখ্যক স্বাধীনতা দিৱস অসম কৃষি বিশ্ববিদ্যালয়তো এক বিস্তৃত কাৰ্যসূচীৰে পালন কৰা হয় (Independence Day celebrations at Assam Agricultural University ) । বিশ্ববিদ্যালয়ৰ যোৰহাটস্থিত মূল চৌহদত স্বাধীনতা দিৱসৰ পতাকা উত্তোলন কৰি মাৰ্চপাৰ্চৰ অভিবাদন গ্ৰহণ কৰে বিশ্ববিদ্যালয়ৰ উপাচাৰ্য ড৹ বিদ্যুত চন্দন ডেকাই ।
যোৰহাটৰ বিশ্ববিদ্যালয়ৰ খেলপথাৰত অনুষ্ঠিত গাম্ভীৰ্যপূৰ্ণ অনুষ্ঠানটোত বক্তব্য ৰাখি উপাচাৰ্যগৰাকীয়ে কয় যে দেশৰ প্ৰতি উৎসৰ্গিত মনোভাৱেৰে প্ৰত্যেক কৰ্মচাৰীয়ে নিজকে কৰ্মচাৰীৰ পৰা কৰ্মযোগীলৈ পৰিবৰ্তিত কৰিব লাগিব । নীতিৰ পৰা নীতিলৈ পৰিৱৰ্তন কৰি মানসিকতাৰ পৰিৱৰ্তন ঘটালেহে আমি সফল হ’ব পাৰিম আৰু দেশখনকো আগবঢ়াই নিব পাৰিম ।
শেহতীয়া নীতি আয়োগৰ অধিৱেশনত তৈল মাহজাতীয় আৰু মিলেট প্ৰমচনৰ ওপৰত গুৰুত্ব দিয়া হৈছে বুলি উল্লেখ কৰি উপাচাৰ্যগৰাকীয়ে কয় যে ভাৰতীয় শিক্ষা আৰু গৱেষণাৰ ওপৰত যথেষ্ট জোৰ দিয়া হৈছে । ইতিমধ্যে অসম কৃষি বিশ্ববিদ্যালয়ৰ তৰফৰ পৰাও ১৭ দফীয়া আঁচনি ঘোষণা হৈছে ।
আজাদী অমৃত মহোৎসৱৰ সময়তে দুটা সিদ্ধান্ত গ্ৰহণ কৰি কৃষি শিক্ষাক আগবঢ়াই অধিক মান্যতা দিবৰ কাৰণে অপেন এণ্ড ডিষ্টেন্স লাৰ্ণিঙ প্লেটফৰ্ম নামৰ নতুন প্লেটফৰ্ম সৃষ্টি কৰা হৈছে । যাৰ জৰিয়তে স্কিল শিক্ষা দি নৱ প্ৰজন্মক আকৰ্ষিত কৰিব বিচৰা হৈছে বুলি জানিবলৈ দিয়ে উপাচাৰ্যগৰাকীয়ে ।
এই অনুষ্ঠানৰ জৰিয়তে বিশ্ববিদ্যালয়ৰ কৃতিত্ব প্ৰদৰ্শন কৰা বিষয়া কৰ্মচাৰী, প্ৰগতিশীল কৃষক আৰু বিভিন্ন ক্ষেত্ৰত কৃতিত্ব প্ৰদৰ্শন কৰা নিৰ্বাচিত কৰ্মচাৰী সকলক সম্বৰ্ধনা জনোৱা হয় । অনুষ্ঠানত বিশ্ববিদ্যালয়ৰ যোৰহাটস্থিত কৃষি বিজ্ঞানৰ গুৰুসকল, কৃষি গৱেষণা সঞ্চালক, বিশেষ বিষয়া, বিভাগীয় মূৰব্বী, গৱেষক -বিজ্ঞানী আৰু শিক্ষাৰ্থীসকল উপস্থিত থাকে ৷
লগতে পঢ়ক: হায়দৰাবাদৰ ৰামোজী ফিল্ম চিটীত 76 সংখ্যক স্বাধীনতা দিৱস উদযাপন
