যোৰহাট,28 মাৰ্চঃ যোৰহাটৰ টীয়কত উপস্থিত বিত্তমন্ত্ৰী হিমন্ত বিশ্ব শৰ্মা আৰু বিজেপিৰ অসম প্ৰদেশৰ তত্বাৱধায়ক মহেন্দ্ৰ সিং৷ দুয়োজন নেতা ব্যস্ত অমিত শ্বাহৰ টীয়কৰ সভাৰ প্ৰস্তুতিৰ তদাৰক কৰাত ৷ সভাৰ সমগ্ৰ পৰিৱেশ পৰ্যবেক্ষণ কৰাৰ লগত জিলাখনৰ বিজেপিৰ বিষয়ববীয়াৰ সৈতে বৈঠকত মিলিত হ'ল দুয়োজন নেতা৷
টীয়কত হিমন্ত বিশ্বৰ সৈতে মহেন্দ্ৰ সিং
উল্লেখযোগ্য যে, যোৰহাট লোকসভা সমষ্টিৰ বিজেপি দলৰ প্ৰাৰ্থী তপন গগৈৰ হৈ নিৰ্বাচনী প্ৰচাৰ চলাবলৈ বৃহস্পতিবাৰে যোৰহাটলৈ আহিব বিজেপি দলৰ ৰাষ্ট্ৰীয় সভাপতি অমিত শ্বাহ ৷ সভাপতিজনৰ আগমনকলৈ যোৰহাটৰ বিজেপি কৰ্মীৰ মাজত বৃদ্ধি পাইছে তৎপৰতা ৷ বৃহস্পতিবাৰে অনুষ্ঠিত হ'বলগীয়া অমিত শ্বাহৰ এই নিৰ্বাচনী প্ৰচাৰ সভাত প্ৰায় একলাখ লোক উপস্থিত থাকিব বুলি মন্তব্য কৰিছে আয়োজকসকলে ৷
