টীয়ক,1 জুলাইঃ বিগত 10 জুনত যোৰহাট চিকিৎসা মহাবিদ্যালয়ৰ চিকিৎসালয়ত চিকিৎসাধীন কৰোৱা হৈছিল টীয়কৰ নানচেচু অঞ্চলৰ কালেশ্বৰ ওৰাং নামৰ লোকজনক ৷ ভৰ্তি কৰোৱাৰ পিচৰ দিন ধৰি পৰিয়ালক লোকক লগ কৰিব দিয়া হোৱা নাছিল লোকজনৰ সৈতে ৷ কৰ'ণা পৰীক্ষাৰ ফলাফল অহাৰ পিচতহতে তেওঁক লগ কৰিবলৈ দিয়া হ'ব বুলি উল্লেখ কৰিছিল চিকিৎসালয় কৰ্তৃপক্ষই ৷ কিন্তু কিছুদিন পূৰ্বে সেই লোকগৰাকীৰ মৃতদেহ চিকিৎসালয় খনৰ পৰা প্ৰায় 15 কিলোমিটাৰ নিলগত উদ্ধাৰ কৰা বুলি জানিবলৈ দিয়ে বিধায়ক ৰূপজ্যোতি কুৰ্মীয়ে ৷ এনে কাৰ্যত ভিন্ন সন্দেহ প্ৰকাশ কৰিছে মৰিয়নীৰ বিধায়ক গৰাকীয়ে ৷
পৰৱৰ্তী সময়ত আৰক্ষীয়ে সেই মৃতদেহটো উদ্ধাৰ কৰি পুনৰ গতাই দিয়ে চিকিৎসালয় কৰ্তৃপক্ষক ৷ বিগত 26 জুনতহে লোকগৰাকীৰ মৃতদেহ পাবলৈ সক্ষম হয় পৰিয়ালৰ লোকে ৷ আৰ্থিকভাৱে দুৰ্বল পৰিয়লটোৰ লগত সংঘটিত এনে ঘটনাত তীব্ৰ ক্ষোভ প্ৰকাশ মৰিয়নীৰ বিধায়ক ৰূপজ্যোতি কুৰ্মীয়ে ৷ এতিয়ালৈ এই ক্ষেত্ৰত বিভাগীয় কৰ্তৃপক্ষই কোনো ধৰণৰ ব্যৱস্থা গ্ৰহণ কৰা নাই বুলিও অবিযোগ উত্থাপন হৈছে ৷ বুধবাৰে পৰিয়ালটোৰ কাষত বিধায়ক গৰাকী উপস্থিত হৈ এই ঘটনাৰ উচিত তদন্তৰ দাবী জনায় ৰাজ্য চৰকাৰক ৷
