নিমাতীঘাটত অপৰিৱৰ্তিত বান পৰিস্থিতি

নিমাওমাও সদা ব্যস্ত নিমাতীঘাট । নিমাতীঘাটত বান পৰিস্থিতি অপৰিৱৰ্তিত হৈ থকাৰ সমান্তৰালকৈ পুনৰ জলস্তৰ বৃদ্ধি পোৱাৰ আশংকাত শংকিত ৰাইজ ৷

যোৰহাট, 13 জুলাই : নিমাওমাও সদা ব্যস্ত নিমাতীঘাট । নিমাতীঘাটত বান পৰিস্থিতি অপৰিৱৰ্তিত হৈ থকাৰ সমান্তৰালকৈ পুনৰ জলস্তৰ বৃদ্ধি পোৱাৰ আশংকাত শংকিত ৰাইজ ৷ ইতিমধ্যে জিলাখনৰ দাইনী গাঁও, চাৰিগাঁও চাপৰি, গোহাঁই গাঁও, গৰীয়াবাৰী, নামককিলা, ভিতৰ ককিলা, কুমাৰ গাঁওৰ প্ৰায় ২০০ ৰো অধিক লোকৰ ঘৰ বুৰাই পেলাইছে বাঢ়নী পানীয়ে ৷

আনহাতে গোহাঁই গাঁৱৰ কমিচনাৰ মাথাউৰিত থকা বহু পুৰণি কাৰ্লভাটটো খহাই পেলোৱাত কাৰ্লভাটটোয়েদি অহৰহ বাঢ়নী পানী সোমাই আছে বৰচলা বিললৈ । ফলত অনাগত দিনত বৰমথাউৰিৰ প্ৰতি ভাবুকি কঢ়িয়াই অনাটো নিশ্চিত হৈ পৰিছে ।