যোৰহাটত নৱজাতকৰ মৃতদেহ উদ্ধাৰ

পাষাণ লোকে নৱজাতকটিক দলঙৰ ওপৰৰ পৰা দলিয়াই দিয়া সন্দেহ আৰক্ষীৰ ৷

যোৰহাট, 7 ডিচেম্বৰঃ ক্ৰমান্বয়ে মানৱতাহীন হৈ পৰিছে জীৱ শ্ৰেষ্ঠলোক। যোৰহাটৰ পূজাদুবী ঘাটৰ টোকোলাই দলঙৰ তলত শিলত পৰি থকা অৱস্থাত শনিবাৰে নৱজাতকৰ মৃতদেহ উদ্ধাৰ হোৱা ঘটনাই সমগ্ৰ অঞ্চলত চাঞ্চল্যৰ সৃষ্টি কৰিছে।

শনিবাৰে পুৱা স্থানীয় লোকে নৱজাতকটিৰ মৃতদেহ প্ৰত্যক্ষ কৰি আৰক্ষীক খবৰ দিয়ে। আৰক্ষীয়ে নৱজাতকটিৰ মৃতদেহটো উদ্ধাৰ হোৱা স্থান আৰু মৃতদেহটো পৰি থকা অৱস্থা নিৰীক্ষণ কৰি সন্দেহ প্ৰকাশ কৰে যে কোনো পাষাণ হৃদয়ৰ লোকে নিজৰ লজ্জা ঢাকিবলৈ হয়তো নৱজাতকটিক দলঙৰ পৰা দলিয়াই দিয়ে। ঘটনাস্থলীত আৰক্ষী উপস্থিত হৈ তদন্ত আৰম্ভ কৰিছে ৷

লগতে পঢ়ক - উৎকোচ লৈ জালত পৰিল APDCLৰ শীৰ্ষ বিষয়া