যোৰহাট,৭ এপ্ৰিলঃ লোকসভা নিৰ্বাচনলৈ মাজত মাথো কেইটামান দিন । ৰাজনৈতিক দল কিম্বা নেতা-পালিনেতা সকলো ব্যস্ত এতিয়া নিৰ্বাচনী প্ৰচাৰত । দেওবাৰে যোৰহাটত অনুষ্ঠিত হোৱা নিৰ্বাচনী প্ৰচাৰত অংশগ্ৰহন কৰে মুখ্যমন্ত্ৰী সৰ্বানন্দ সোণোৱালে । যোৰহাট লোকসভা সমষ্টিৰ বিজেপি তথা মিত্ৰ দলৰ প্ৰাৰ্থী তপন কুমাৰ গগৈৰ হৈ প্ৰচাৰ চলাই মুখ্যমন্ত্ৰী গৰাকীয়ে ।
মুখ্যমন্ত্ৰী সৰ্বানন্দ সোণোৱালৰ নিৰ্বাচনী সভা
যোৰহাটৰ পটীয়াগাৱৰ কল্যাণী খেল পথাৰত প্ৰতিকূল বতৰ নেওচি অনুষ্ঠিত হোৱা নিৰ্বাচনী সভাখনত ৰাইজক উদ্দেশ্যি উদাত্ত ভাষন প্ৰদান কৰে মুখ্যমন্ত্ৰীগৰাকীয়ে । সভাত মুখ্যমন্ত্ৰী সৰ্বানন্দ সোণোৱালে ক্ষুৰধাৰ সমালোচনা কৰে কংগ্ৰেছ দলক । পৰিয়াল কেন্দ্ৰিক ৰাজনীতিত বিশ্বাস কৰে কংগ্ৰেছ দলে । কংগ্ৰেছে ৭০ বছৰে কেৱল বিভাজন কৰি দেশ শাসন কৰিছিল বুলি এইদৰে কংগ্ৰেছ বিৰোধী মন্তব্যৰে সৰৱ হৈ উঠে মুখ্যমন্ত্ৰী গৰাকী ।
