যোৰহাট, ১০ এপ্ৰিল : যোৰহাট জিলা ক্ৰীড়া সন্থাৰ (Jorhat sports association) উদ্যোগত চলি থকা ৫৭ সংখ্যক এটিপিএ শ্বিল্ড ফুটবল প্ৰতিযোগিতাৰ দ্বিতীয়টো দল হিচাপে ফাইনেলত স্থান নিশ্চিত কৰিছে ইউনাইটেড চিৰাং দুৱাৰ এফচি দলে (ATPA shield football competition Jorhat) । যোৰহাট ষ্টেডিয়ামত নৈশলোকত অনুষ্ঠিত এটিপিএ শ্বিল্ড ফুটবল প্ৰতিযোগিতাৰ সোমবাৰে অনুষ্ঠিত দ্বিতীয়খন ছেমি ফাইনেলত ইউনাইটেড চিৰাং দুৱাৰ এফচি দলে এটিপিএ শ্বিল্ড ফুটবল প্ৰতিযোগিতাৰ ডিফেণ্ডিং চেম্পিয়ন তথা প্ৰতিযোগিতাৰ পূৰ্বৰ ছয়বাৰৰ চেম্পিয়ন অসম ৰাজ্যিক বিদ্যুৎ পৰিষদ দলক সোমবাৰে ৩-১ গ'লৰ ব্যৱধানত পৰাস্ত কৰি ফাইনেলত স্থান নিশ্চিত কৰে (Chirang Duwar FC entered into ATPA football final) ।
উল্লেখ্য, পূৰ্বৰ অভিজ্ঞতাৰ ভিত্তিতে খেলপথাৰত নামে বিদ্যুৎ পৰিষদ দল । সুনাম অনুসৰিয়ে বিদ্যুৎ পৰিষদ দলে মেচখনত প্ৰথম অগ্ৰগতি লাভ কৰে খেলৰ প্ৰথমাৰ্ধৰ ১৬ মিনিটত চন্দন ব্ৰহ্মৰ গ'লৰ সহায়ত । কিন্তু বিদ্যুৎ পৰিষদ দলৰ এই অগ্ৰগতি স্থায়ী নহ'ল । উপর্যুপৰি আক্ৰমণ ৰছে উইনাইটেড চিৰাং দুৱাৰ এফচি দলে । চিৰাং দলে বহুকেইটা আক্ৰমণ ৰচে বিদ্যুৎ পৰিষদৰ দলৰ বিৰুদ্ধে (ATPA shield football tournament) । এনেদৰে তীব্ৰ প্ৰত্যাক্ৰমণ চলোৱা পিচত চিৰাং দলে খেলৰ প্ৰথমাৰ্ধৰে ৩৪ মিনিটত লালমিঙছোঁ ভাংলাৰৰ গ'লৰ সহায়ত সমতা স্থাপন কৰে ।
ফলত প্ৰথমাৰ্ধ ১-১ গ'লৰ ব্যৱধানত সামৰণি পৰে । ইয়াৰ পিচত খেলখনৰ দ্বিতীয়াৰ্ধতত অধিক আক্ৰমণাত্মক হৈ উঠে চিৰাং দল । দলটোৱে উপর্যুপৰি আক্ৰমণ ৰচে বিদ্যুৎ পৰিষদৰ বিৰুদ্ধে । তেনেদৰে খেলৰ দ্বিতীয়াৰ্ধৰ ১১ মিনিটত চিৰাং দলক ২-১ গ'লৰ অগ্ৰগতি প্ৰদান কৰে ৰাজীৱ বড়োৱে । ইয়াৰ পাছতো আক্ৰমণ অব্যাহত ৰাখে চিৰাং দলে ।
তাৰ পিচত খেলৰ দ্বিতীয়াৰ্ধৰ ৩৫ মিনিটত চিৰাং দলৰ অজন্ত ৰাভাই বল লৈ বিদ্যুৎ পৰিষদৰ বক্সত প্ৰৱেশ কৰোতে বিদ্যুৎ পৰিষদ দলৰ ৰক্ষণ বিভাগৰ খেলুৱৈয়ে বিধি নিষিদ্ধভাৱে বাধা দিয়াত ৰেফাৰীয়ে পেনাল্টি ঘোষণা কৰে । এই পেনাল্টিটো গ'ললৈ ৰূপান্তৰ কৰি চিৰাং দলক ৩-১ গ'লৰ অগ্ৰগতি প্ৰদান কৰে দিডৱান হাজোৱাৰীয়ে । লগতে দলটোক ফাইনেলত উপনীত কৰায় । প্ৰতিযোগিতাৰ চূড়ান্ত খেলখন অহা ১২ এপ্ৰিলত মৰিয়নি উপ ক্ৰীড়া সংস্থা আৰু ইউনাইটেড চিৰাং দুৱাৰ এফচিৰ মাজত অনুষ্ঠিত হ'ব ।
লগতে পঢ়ক : IPL 2023 LSG Vs RCB: 1 টা বল 1 ৰাণ 1টা উইকেটৰ উৎকণ্ঠা; LSG ৰ জয়
