ছয়গাঁও, ১৯ মাৰ্চ : ছয়গাঁও আৰক্ষী থানাৰ অন্তৰ্গত চণ্ডিকাত আজি সংঘটিত হয় এক দুৰ্ঘটনা ৷ দুৰ্ঘটনাটোত থিতাতে নিহত হয় এজন লোক ৷
প্ৰাপ্ত খবৰ অনুসৰি, হাহিমৰ পৰা গুৱাহাটী অভিমুখে নিজ পুত্ৰৰ সৈতে বাইকেৰে গৈ থকাৰ সময়তে এডাল গছৰ ডাল পৰি ঘটনাস্থলীতে লোকজনৰ মৃত্যু হয় । মৃত লোকজন হাহিমৰ ১নং শামুকাৰ কমিট ৰাভা বুলি জানিব পৰা গৈছে । এ এছ ২৫ ই ২৮৩৮ নম্বৰৰ গ্লেমাৰ মটৰ চাইকেলখন তেওঁৰ পুত্ৰই চলোৱাৰ লগতে আৰোহী হৈ আহিছিল মৃত কমিট ৰাভা । বৰ্তমান মৃত লোকজনৰ মৰণোত্তৰ পৰীক্ষাৰ বাবে ছয়গাঁও আৰক্ষীয়ে গুৱাহাটী চিকিৎসা মহাবিদ্যালয় হাস্পতাললৈ প্ৰেৰণ কৰে ।
অন্য এক খবৰৰ বাবে: কোন অগপ প্ৰাৰ্থীক বিপদত পেলালে চাহ শ্ৰমিকৰ মজুৰিয়ে ?
