লাভলীনালৈ শুভেচ্ছা যোৰহাটৰ টাইকোৱাণ্ডো খেলুৱৈৰ

বিশ্ব দৰবাৰত উজলি উঠক অসম জীয়ৰী লাভলীনা । কঢ়িয়াই আনক সপোনৰ মেডেল । লাভলীনাক লৈ সমগ্ৰ ৰাজ্যবাসীৰ লগতে ইটিভি ভাৰত পৰাও জনালো অশেষ অভিনন্দন ।

যোৰহাট, 29 জুলাই : টকিঅ'ৰ 32 সংখ্যক অলিম্পিক গেমছলৈ সম্পূৰ্ণৰূপে সাজু অসমৰ বক্সাৰ লাভলীনা বৰগোঁহাই । জাপানৰ ৰাজধানী চহৰত অসমৰ জীয়ৰী লাভলীনা বৰগোঁহাই । লাভলীনা বুঢ়াগোহাঁইলৈ শুভেচ্ছা প্ৰতিগৰাকী অসমীয়াৰ । বিশ্ব দৰবাৰত উজলি উঠক অসম জীয়ৰী লাভলীনা ।

এতিয়া সকলোৰে দৃষ্টি আৱন্ধ টকিঅ’ অলিম্পিকত । ৰাজ্যখনৰ আইৰন লেডী তথা গোলাঘাটৰ জীয়ৰী লাভলীনাক লৈ অযুত সপোন ৰাজ্যবাসীৰ । বিশ্বৰ সৰ্বোচ্চ ক্ৰীড়াগংন ক্ষেত্ৰ টকিঅ’ অলিম্পিকত সোণৰ মেডেলৰে গৌৰৱ কঢ়িয়াই আনক অসম জীয়ৰী লাভলীনাই, এই আশা সকলোৰে ৷ কৰ’ণা মহামাৰীৰে সৃষ্টি কৰা নিৰাশাজনক পৰিৱেশৰ মাজতো আশাৰ সঞ্চাৰ আনিছে লাভলীনাই ৷

লাভলীনালৈ শুভেচ্ছা জ্ঞাপন কৰিছে যোৰহাটৰ একাংশ কিশোৰ-কিশোৰীয়ে । ৰাজপথত প্লে-কাৰ্ড লৈ লাভলীনালৈ জিলাখনৰ টাইকোৱাণ্ডো খেলুৱৈসকলে অভিনন্দন জনায় । যোৰহাটৰ পূৱ মণ্ডল টাইকোৱাণ্ডো সন্থাৰ সহযোগত ৰাজ্যৰ প্ৰথম মহিলা অলিম্পিক খেলুৱৈগৰাকীলৈ শুভেচ্ছা জনায় প্ৰশিক্ষক অভিজিৎ দত্তই ।

লগতে পঢ়ক: লাভলীনাৰ সফলতা কামনাৰে খুমটাইত বন্তি প্ৰজ্বলন