যোৰহাট,১৮ জুলাই: মৰিয়নীত দিনক দিনে বৃদ্ধি পাইছে অপৰাধজনিত ঘটনা(Crime cases rise in Mariani) । পুনৰ আন এক ঘটনাই জোকাৰি গ’ল মৰিয়নী চহৰক । চিনেমাৰ কায়দাৰে দুৰ্বৃত্তই অপহৰণ কৰি নগালেণ্ডৰ কোনো অজ্ঞাত স্থানলৈ নি শাৰিৰীক নিৰ্যাতন চলালে দুজন লোকক(Driver-Handyman kidnapped and attacked) ।
জানিব পৰা মতে শনিবাৰে নিশা যোৰহাটৰ পৰা নাগালেণ্ডৰ জুনুবুটুলৈ সামগ্ৰী কঢ়িয়াওৱা মৰিয়নী হৈ যোৱা এখন মালবাহী মিনি ট্ৰাকক বাট আগুচি ধৰি চালক-হেন্দিমেনক দুখন বাহনত অহা ৫ জনীয়া ডকাইটৰ এটা দলে নিজকে আৰক্ষীৰ লোক বুলি পৰিচয় দি অপহৰণ কৰে । পৰৱৰ্তী সময়ত চকুত কলা কাপোৰ বান্ধি নাগালেণ্ডৰ কোনো অজ্ঞাত স্থানত নি প্ৰহাৰ কৰাৰ লগতে কাৰেন্টৰ শ্বৰ্ট দিয়ে ৷ ইয়াৰ মাজতে অতি কৌশলেৰে নিজৰ প্ৰাণ ৰক্ষা কৰি সেই স্থানৰ পৰা পলাবলৈ সক্ষম হয় মিনি ট্ৰাকখনৰ চালক আৰু হেন্দিমেন ।
পৰৱৰ্তী সময়ত মৰিয়নী থানাত মালবাহী ট্ৰাকৰ চালক হেন্দিমেনে দাখিল কৰা এজাহাৰৰ ভিত্তিত মৰিয়নী আৰক্ষীয়ে আটক কৰে ডকাইতৰ দলটোৰ সদস্য ৰাজীৱ মিলি,নিৰেন কাৰ্ডং আৰু শ্ৰীমন্ত গগৈক ৷ ডকাইতৰ দলটোৰ আন দুজন সদস্য বৰ্তমানেও পলাতক হৈ আছে বুলি দানিব পৰা গৈছে । ইফালে ডকাইতৰ দলটোৰ এজন সদস্য অনুৰাগ চৌধুৰী মৰিয়নী মহাবিদ্যালয় ছাত্ৰ একতা সভা তথা ABVP ৰ সদস্য বুলি জানিব পৰা গৈছে ।
জানিব পৰা মতে, আটাইকেইটা ডকাইত অবৈধ অৰুণাচলী সুৰা ব্যৱসায়ৰ সৈতে জড়িত আছিল (Liquor dealer in form of robber) । উল্লেখ্য যে ২০২০ চনত মৰিয়নী আৰক্ষী থানাৰ সন্মুখত অৱস্থিত ৰাইবাহাদুৰ চুন্নি লাল নামৰ তেল ডিপুত মাৰানাস্ত্ৰ দেখুৱাই সন্ত্ৰাস সৃষ্টি কৰিছিল ভৰত মিলিৰ লগতে দলটোৱে ৷ আৰক্ষীয়ে উল্লেখ কৰা অনুসৰি, তেল ডিপুত সংঘটিত ডকাইটিৰ ঘটনাত মৰিয়নী মহাবিদ্যালয় ছাত্ৰ একতা সভাৰ ABVP দলৰ সমাজ সেৱা বিভাগৰ সম্পাদক অনুৰাগ চৌধুৰীৰ গাড়ীখনো ব্য়ৱহৃত হৈছিল ।
লগতে পঢ়ক: Presidential Election 2022: দ্ৰৌপদী মুৰ্মুৰ সম্প্ৰদায়ক লৈ অখিলৰ প্ৰশ্ন
