যোৰহাটত মাৰণাস্ত্ৰ সহ যুৱক আটক

যোৰহাট আৰক্ষীৰ সফল অভিযান ৷ শনিবাৰে নিশা চলোৱা এক অভিযানত আৰক্ষীয়ে জব্দ কৰিছে মাৰণাস্ত্ৰৰ লগতে বৃহৎ পৰিমাণৰ গুলী ৷ ঘটনা সন্দৰ্ভত আৰক্ষীয়ে আটক কৰিছে ককিলামুখৰ ৰূপক দত্তক ৷

যোৰহাট,20 ছেপ্তেম্বৰ: যোৰহাট আৰক্ষীৰ এক বিশেষ সফল অভিযান ৷ শনিবাৰে নিশা আৰক্ষীয়ে চলোৱা এক অভিযানত উদ্ধাৰ হৈছে বৃহৎ পৰিমাণৰ মাৰণাস্ত্ৰ ৷ মাৰণাস্ত্ৰ সমূহৰ লগতে আৰক্ষীয়ে ঘটনা সন্দৰ্ভত আটক কৰে এগৰাকী যুৱকক ৷ আটকাধীন যুৱকগৰাকী যোৰহাটৰ ককিলামুখৰ ৰূপক দত্ত বুলি জানিব পৰা গৈছে ৷ ইতিমধ্যে আৰক্ষীয়ে যুৱকগৰাকীৰ পৰা 55 ৰাউণ্ড গুলী সহ এটা 9 এম এম পিষ্টল আৰু এটা .22 ৰিভলভাৰ উদ্ধাৰ কৰে ৷ ৰূপক নামৰ যুৱকগৰাকীয়ে মাৰণাস্ত্ৰ আৰু গুলীসমূহ চহৰৰ মাজমজিয়াৰ পূবেৰুণ পথৰ এটা ভাড়াঘৰত লুকুৱাই ৰাখিছিল ৷ এক বিশেষ সূত্ৰ পম খেদি আৰক্ষীয়ে এই অভিযান চলাইছিল ৷

লগতে চাওকঃ সৃষ্টিৰ উদ্যোগত নলবাৰীত বৃক্ষৰোপন