অখিল গগৈৰ কাৰামুক্তিৰ কামনাৰে বন্তি জ্বলালে মাতৃ প্ৰিয়দা গগৈয়ে

সোমবাৰে পুত্ৰ তথা কৃষক নেতা অখিল গগৈৰ মাতৃ প্ৰিয়দা গগৈয়ে পুত্ৰৰ কাৰামুক্তিৰ কামনাৰে ভগৱানৰ ওচৰত এগছি বন্তি জ্বলায় ৷ মোৰ অখিলে একো দোষ কৰা নাই, বিনা দোষত অখিলক ইমান কষ্ট দিছে বুলি সাংবাদিকৰ আগত চকুপানী টুকি থুকাথুকি মাতেৰে ক'লে মাতৃ প্ৰিয়দা গগৈয়ে ৷

যোৰহাট,5জানুৱাৰীঃ বিগত এবছৰ ধৰি কাৰাবন্দী হৈ আছে কৃষক নেতা অখিল গগৈ ৷ কৃষক নেতাগৰাকীৰ জামিনৰ শুনানী শেষ হোৱা পাছতো মুকলি আকাশৰ তললৈ আজিপৰ্যন্ত নাহিল অখিল গগৈ ৷ তথাপি ন্যায় ব্যৱস্থাৰ ওপৰত আস্থা ৰাখি অখিলক মুক্তি দিব বুলি নিতৌ পৰম আশাৰে বাট চাই আহিছে অখিল গগৈৰ মাতৃ প্ৰিয়দা গগৈয়ে ৷

অখিল গগৈৰ কাৰামুক্তিৰ কামনাৰে বন্তি জ্বলালে মাতৃ প্ৰিয়দা গগৈয়ে

সোমবাৰে মৰিয়নী চেলেংহাট লুখুৰাখন গাঁৱৰ নামঘৰৰ গুৰু আসনৰ সন্মুখত অখিল গগৈৰ মুক্তিৰ কামনাৰে ভগৱানৰ ওচৰত এগছি বন্তি জ্বলালে মাতৃ প্ৰিয়দা গগৈয়ে ৷

সাংবাদিকৰ আগত অখিল গগৈৰ মাতৃয়ে কান্দি কান্দি মোৰ অখিলে একো দোষ কৰা নাই, বিনা দোষত অখিলক ইমান কষ্ট দিছে বুলি মন্তব্য কৰে ৷ তদুপৰি প্ৰিয়দা গগৈয়ে কয় যে, অকলশৰীয়া বিধৱা মাতৃৰ কাষৰ পৰা ল'ৰাটোক যিদৰে আঁতৰাই ৰাখি শাস্তি দিছে তাৰ ফল এদিন এই কাৰ্যত জড়িত সকলেও ভুগিব লাগিব ৷ উল্লেখ্য যে,উচ্চ ৰক্ত চাপৰ লগতে মধুমেহ ৰোগত আক্ৰান্ত অখিলৰ মাতৃ প্ৰিয়দা গগৈৰ পুত্ৰৰ কাৰামুক্তিৰ চিন্তাতে স্বাস্থ্যৰ দ্ৰুত অৱনতিও ঘটিছে ।

লগতে পঢ়কঃ গুৱাহাটীৰ বিখ্যাত গগৈ পৰ্ক আৰু ইয়াৰ আঁৰৰ ব্যক্তিজন