হোজাইৰ কোৱাৰান্টাইন কেন্দ্ৰৰ লোকৰ বৃক্ষৰোপন

জাতি, ধৰ্ম, বৰ্ণ নিৰ্বিশেষে কোৱেৰান্টাইন কেন্দ্ৰটোত থকা সকলোৱে মিলি শুকুৰবাৰে কেন্দ্ৰটোৰ চৌদিশ চাফ-চিকুণ কৰাৰ লগতে বৃক্ষ ৰোপণ কৰে ৷

হোজাই, 19 জুন: হোজাইৰ নীলবাগানৰ মেথিগাঁও মাদ্ৰাছা কোৱাৰেন্টাইন কেন্দ্ৰত থকা লোকসকলৰ প্ৰশংসনীয় পদক্ষেপ ৷ জাতি, ধৰ্ম, বৰ্ণ নিৰ্বিশেষে কোৱাৰান্টাইন কেন্দ্ৰটোত থকা সকলোৱে মিলি শুকুৰবাৰে কেন্দ্ৰটোৰ চৌদিশ চাফ-চিকুণ কৰাৰ লগতে বৃক্ষৰোপণ কৰে ৷ লগতে অসম চৰকাৰে কোৱাৰান্টাইনত থকা লোকসকলক উন্নত মানৰ খাদ্য প্ৰদান কৰাৰ লগতে বিভিন্ন ধৰণৰ সহায়-সহযোগিতা আগবঢ়োৱাৰ বাবে অসম চৰকাৰক ধন্যবাদ জ্ঞাপন কৰে লোকসকলে ৷ ইয়াৰ উপৰিও বহিঃৰাজ্যৰ পৰা অহা লোকসকলকক কোৱাৰান্টাইনত থাকিবৰ বাবে ভয় নাখাবলৈ আহ্বান জনায় কেন্দ্ৰটোত থকা লোকসকলে ৷

কোৱাৰান্টাইন কেন্দ্ৰসমূহত উন্নত খাদ্য সামগ্ৰীৰ লগতে বিভিন্ন সুবিধাসমূহৰ কথা উল্লেখ কৰি কোৱাৰান্টাইনৰ ভয়ত ৰেলৰ চেইন টানি পলায়ন নকৰিবলৈ আহ্বান জনাই বহিঃৰাজ্যৰ পৰা অহা লোকসকলে ৷ ইফালে কোৱাৰান্টাইনত থকা লোকসকলে বৃক্ষ ৰোপন তথা চাফ-চিকুণ কৰাৰ এই পদক্ষেপৰ শলাগ লয় স্থানীয় ৰাইজে ৷

লগতে পঢ়কঃ বাক্সাৰ ভূটানখুটীত বনৰীয়া হাতীৰ আক্ৰমণত নিহত বৃদ্ধা