হোজাইত গ্ৰীল ভাঙি চোৰৰ লুটপাত

তিনিটাকৈ আলমিৰাৰ তলা ভাঙি বহু পৰিমাণৰ সোণৰ আ-অলংকাৰ, পাট-মুগাৰ কাপোৰ আৰু মূল্যৱান বয়-বস্তু লৈ উধাও হয় চোৰ ৷

হোজাই, 5 অক্টোবৰঃ হোজাই জিলা লংকাত চুৰি কাণ্ডৰ ঘটনা | ঘৰত কোনো নথকাৰ সুযোগ লৈ খিৰিকীৰ গ্ৰীল ভাঙি চোৰৰ লুটপাত | খবৰ অনুসৰি, লংকাৰ লংকাপট্টীৰ চাৰি নম্বৰ ৱাৰ্ডৰ ৰীনা হাজৰিকা নামৰ মহিলা গৰাকীৰ বাসগৃহত কোনো নথকাৰ সুযোগ লৈ ঘৰৰ খিৰিকীৰ গ্ৰীল ভাঙি ঘৰৰ ভিতৰত প্ৰৱেশ কৰি চোৰে লুট-পাত চলায় ৷ তিনিটাকৈ আলমিৰাৰ তলা ভাঙি বহু পৰিমাণৰ সোণৰ আ-অলংকাৰ, পাট-মুগাৰ কাপোৰ আৰু মূল্যৱান বয় বস্তু লৈ উধাও হয় চোৰ ৷ পাচত গৃহস্থ আহি সামগ্ৰীক ঘটনা প্ৰত্যক্ষ কৰি আৰক্ষীক খৱৰ দিয়াত ঘটনাস্থলীত লংকা আৰক্ষী উপস্থিত হৈ সমগ্ৰ ঘটনা পৰিদৰ্শন কৰে |