হোজাই, ২৪ ডিচেম্বৰ: বৃহস্পতিবাৰে পুৱতি নিশা হোজাইত ৰে'লৰ পৰা নামিবলৈ লৈ মৃত্যুক আঁকোৱালি ল'বলগীয়া হ'ল এজন লোকে । গংগা প্ৰসাদ চাহু নামৰ লোকজনে নতুন দিল্লী-ডিব্ৰুগড় ৰাজধানী এক্সপ্ৰেছেৰে হোজাইলৈ আহিছিল । গন্তব্যস্থানত উপস্থিত হোৱাৰ পিছতে চাহুৱে ৰে'লৰ পৰা নামিবলৈ লওতেই হঠাৎ পৰি যায়। লগে লগে মৃত্যু হয় লোকজনৰ । নিহত গংগা প্ৰসাদ চাহুৰ ঘৰ হোজাইৰ তেলিবস্তিত ।
পিছত ঘটনাস্থলীত ৰে'ল আৰক্ষী উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাৱে নগাঁৱৰ ভোগেশ্বৰী ফুকননী অসামৰিক চিকিৎসালয়লৈ প্ৰেৰণ কৰে । ৰে'ল আৰক্ষীয়ে লোকজনৰ পৰা ভোটাৰ পৰিচয় পত্ৰ আৰু এটা মোবাইল ফোন উদ্ধাৰ কৰে । পুৱতি নিশা সংঘটিত হোৱা এই শোকাৱহ ঘটনাই এতিয়া শোকৰ ছাঁ পেলাইছে তেলবস্তিত ।
PLEASE CHANGE THUMBNAIL IMAGE
লগতে পঢ়ক:ব্যতিক্ৰমী ৰূপত বগৰী খেতিৰে স্বাৱলম্বী হোৱা এজন যুৱ কৃষক...
