হোজাই,২৯ এপ্ৰিলঃ লকডাউনৰ মাজতে পশ্চিম কাৰ্বি আংলঙৰ খেৰণিত অঘটন । কপিলী নৈত সন্ধানহীন সূৰুজ বিশ্বকৰ্মা নামৰ এজন লোক । খৰিৰ ভুৰ সাজি কপিলী নৈৰে আনি থকা অৱস্থাত সংঘটিত হয় এই ঘটনা ৷
উল্লেখ্য যে, খেৰণি থানা অন্তৰ্গত খেৰণি নেপালীবস্তিৰ পৰা আমৰেং বনাঞ্চলত খৰি কাটি সূৰুজ বিশ্বকৰ্মাই বাদল বিশ্বকৰ্মা আৰু ৰাজকুমাৰ বসুমতাৰীৰ সৈতে কপিলী নৈৰে খৰি কাটি আনি থকা অৱস্থাতে সন্ধানহীন হয় লোকজন ।
সন্ধানহীন ব্যক্তিজনৰ লগত থকা ৰাজকুমাৰ বসুমতাৰীকো স্থানীয় লোকে সংকটজনক অৱস্থাত উদ্ধাৰ কৰি চিকিৎসালয়লৈ প্ৰেৰণ কৰে ।
আনহাতে, সন্ধানহীন সূৰুজ বিশ্বকৰ্মাক উদ্ধাৰৰ বাবে চেষ্টা অব্যাহত ৰাখিছে খেৰণি আৰক্ষী, স্থানীয় লোক আৰু বন বিভাগৰ কৰ্মীয়ে ।
