হোজাই, 31 জানুৱাৰী : হোজাই জিলাৰ লংকাত দেওবাৰে পুৱাই সংঘটিত হয় এক ভয়ংকৰ অগ্নিকাণ্ড । লংকা থানাৰ অন্তৰ্গত মাণ্ডুলি গাঁৱৰ কৰণ সিঙৰ ঘৰত সংঘটিত হয় এই অগ্নিকাণ্ডৰ ঘটনা ।
শ্বটচাৰ্কিটৰ ফলত এই অগ্নিকাণ্ড সংঘটিত হোৱাত বহু সম্পত্তি ভস্মীভূত হয় । ঘটনা সন্দৰ্ভত জানিব পৰা অনুসৰি, কৰণ সিঙৰ এটা কোঠালি সম্পূৰ্ণৰূপে জুইত জাহ যোৱাৰ লগতে নগদ 19 হাজাৰ টকাৰ উপৰিও প্ৰায় দুই লাখ টকাৰ সা-সম্পত্তি বিনষ্ট হয় ।
অগ্নিকাণ্ড সংঘটিত হোৱাৰ পাচতে অগ্নিনিৰ্বাপক বাহিনীক যোগাযোগ কৰিছিল যদিও কোনোধৰণৰ সঁহাৰি নোপোৱাৰ অভিযোগ উত্থাপন কৰে ভুক্তভোগী পৰিয়ালটোৱে । ইপিনে সমগ্ৰ ঘটনা সন্দৰ্ভত লংকা আৰক্ষীয়ে প্ৰাথমিক তদন্ত অব্যাহত ৰাখিছে ।
