হোজাই, ২৯ মে': হোজাই জিলাৰ লংকা আৰক্ষীৰ বৃহৎ সফলতা । বৃহস্পতিবাৰে নিশা এক গোপন সূত্ৰৰ পমখেদি লংকা আৰক্ষী বিষয়া বিশ্বজ্যোতি শৰ্মা আৰু হোজাইৰ আৰক্ষী অধীক্ষকৰ নেতৃত্বত লংকা পশ্চিম ডাবলঙত চলোৱা হৈছিল এক ড্ৰাগছ বিৰোধী অভিযান । এই অভিযানত চামচুল হক নামৰ এজন লোকৰ বাসগৃহত তালাচী চলাই আৰক্ষীয়ে জব্দ কৰিবলৈ সক্ষম হয় বৃহৎ পৰিমাণৰ ব্ৰাউন চুগাৰ ।
২৪ টা সৰু সৰু প্লাষ্টিকৰ কণ্টেইনাৰত ড্ৰাগছসমূহ ভৰাই ৰখা অৱস্থাত উদ্ধাৰ কৰাৰ লগতে ৭৪ টা খালী কণ্টেইনাৰো জব্দ কৰে অৰক্ষীয়ে । আৰক্ষীৰ সূত্ৰই প্ৰকাশ কৰা মতে জব্দ হোৱা ড্ৰাগছখিনি চামচুল হকে বাৰীৰ পাছফালে ধান খেৰৰ মাজত লুকুৱাই ৰখা অৱস্থাত উদ্ধাৰ কৰা হয় ।
জব্দ কৰা ড্ৰাগছখিনিৰ অনুমানিক বজাৰ মূল্য প্রায় ৫০ হাজাৰ টকা বুলি সদৰি কৰে আৰক্ষীয়ে । চামচুলৰ মাতৃক আটক কৰি সমগ্ৰ ঘটনা তদন্ত চলাই থকাৰ মাজতে শুকুৰবাৰে নিশা আৰক্ষীৰ জালত পৰিল পলাতক চামচুল হক ।
লগতে পঢ়ক:তিতাবৰত বনৰজাৰ আতংক
