হোজাই, 4 জুলাই : হোজাই জিলাৰ লংকাত পুনৰ Covid-19 পজিটিভৰ ঘটনা পোহৰলৈ আহিছে ৷ লংকা ৰাজহ চক্ৰ বিষয়া কাৰ্যালয়ৰ গাড়ী চালকৰ দেহত লাভ কৰা হৈছে Covid-19 ৰ অৱস্থিতি ৷ আক্ৰান্ত গাড়ী চালকজনৰ নাম ননু চৌধুৰী (59) ৷ এই ঘটনা পোহৰলৈ অহাৰ পাচতে লংকা চক্ৰ বিষয়াৰ কাৰ্যালয়ক কনটেইনমেন্ট জ'ন হিচাপে ঘোষণা কৰা হৈছে ৷
আনহাতে, লংকা প্ৰাথমিক স্বাস্থ্য কেন্দ্ৰৰ অধীনত কৰ্মৰত পাঁচ গৰাকীৰ দেহতো Covid-19 ৰ অৱস্থিতি ধৰা পৰিছে ৷ তাৰোপৰি লংকা কাকীৰ বন বিষয়া, পঞ্চায়তৰ সদস্য,কাকী ইউ বি আইৰ কৰ্মচাৰী আৰু কাকীৰ কেইবাজনো লোক শুকুৰবাৰে আক্ৰান্ত হৈছে ৷
বৰ্তমানলৈকে হোজাই জিলাত আক্ৰান্তৰ সংখ্যা 19 গৰাকী । ইয়াৰে লংকা প্ৰাথমিক স্বাস্থ্য কেন্দ্ৰৰ অধীনত 15 গৰাকী আৰু হোজাই প্ৰাথমিক স্বাস্থ্য কেন্দ্ৰৰ অধীনত 4 গৰাকীৰ দেহত Covid-19 ধৰা পৰিছে ৷
লগতে পঢ়ক : জয়ন্ত সিনহাৰ সংস্পৰ্শলৈ অহা 19 গৰাকীৰ দেহত কৰ'ণাৰ অৱস্থিতি
